ପାପଡାହାଣ୍ଡି,29/9, ମନିସ — ସ୍ୱାଧୀନତା ସଂଗ୍ରାମୀଙ୍କ ଭୂମି ପାପଡାହାଣ୍ଡିର ଶହୀଦ ପୀଠର ପବିତ୍ର ମାଟି ଓ ଟୁରୀ ନଦୀର ପବିତ୍ର ଜଳ ପଠାଗଲା ରାଜଧାନୀ ଭୁବନେଶ୍ୱର | ସାରା ରାଜ୍ୟର ସ୍ୱାଧୀନତା ସଂଗ୍ରାମି ର ଜଡିତ ଗାଁ ଓ ନଦୀର ଜଳ ଏକତ୍ରିତ ହୋଇ ସର୍ବସାଧାରଣଙ୍କ ଦର୍ଶନ ନିମନ୍ତେ ରଖାଯିବ |
ରାଜ୍ୟ ସରକାରଙ୍କ ନିର୍ଦେଶ କ୍ରମେ ଗୁରୁବାର ପାପଡାହାଣ୍ଡି ଶହୀଦ ପୀଠର ମାଟି ଓ ଟୁରୀ ନଦୀର ଜଳକୁ ଏହି ଅବସରରେ ପଠାଯାଇଛି | ଜିଲାପାଳ କମଳ ଲୋଚନ ମିଶ୍ରଙ୍କ ଅଧକ୍ଷତାରେ ଆୟୋଜିତ କାର୍ଯ୍ୟକ୍ରମରେ ବ୍ଲକ କାର୍ଯ୍ୟାଳୟରୁ ଏକ ଶୋଭାଯାତ୍ରା ବାହାରି ଶହୀଦ ମିନାର ପହଁଚି ଥିଲା | 
ପ୍ରଥମେ ଟୁରୀ ନଦୀର ପବିତ୍ର ଜଳଓ ପରେ ଶହୀଦ ପୀଠର ମାଟି ଏକତ୍ରିତ କରାଯାଇ ପୁଷ୍ପ ମାଲ୍ୟ ଦିଆଯାଇଥିଲା | ଆଜାଦି କା ଅମୃତ ମହୋତ୍ସବ ଅବସରରେବାହାରିଥିବା ଅହିଂସା ରଥ ସହ ଏହିମାଟି ଏବଂ ଜଳ ରଖାଯିବ | ଏହି ଅବସରରେ ଅନ୍ୟାନ୍ୟ ମାନଙ୍କ ମଧ୍ୟରେ ପିଡି ରତ୍ନାକର ସାହୁ, ଏଡିଏମ ଭାସ୍କର ରୋଇତ, ବ୍ଲକ ଅଧକ୍ଷା ହେମଲତା ମାଝୀ, 
ଉପଧକ୍ଷ ସୁଶାନ୍ତ ବେହେରା, ରାଜ୍ୟ ସହିଦ ସ୍ମୃତି କମିଟି ର ସଭାପତି ମନରଞ୍ଜନ ମିଶ୍ର, ଉପସଭାପତି ସୋମନାଥ ବିଶୋଇ, ବିଡ଼ିଓ ରଞ୍ଜିତା ମଲିକ ସହ ଡି ଆଇ ପିଆର ହଳଧର ନିଆଲ, ସିଡିପିଓ ଏସ ଗୀତା,ତହସିଲଦାର ଯୋଗେଶ୍ୱର ଭୋଇ ଏବଂ ବ୍ଲକର ବିଭିନ୍ନ ବିଭାଗ ର ଅଧିକାରୀ ମାନେ ଉପସ୍ଥିତ ଥିଲେ |
ପାପଡାହାଣ୍ଡି ରୁ ସ୍ବପ୍ନଜିତ ପଟନାୟକ ଙ୍କ ରିପୋର୍ଟ
