ନର୍ଲା – (ମ ନି ସ )- ପ୍ରତିବର୍ଷ ପରି ଏ ବର୍ଷ ମଧ୍ୟ୍ୟ ନର୍ଲା ରେ ସାର୍ବଜନୀନ ଦୁର୍ଗା ପୂଜା ମହା ଆଡମ୍ବର ସହ ଆରମ୍ଭ ହୋଇ ଯାଇଛି l ପୂଜା ପାଇଁ ଗୁରୁ ବାର ଦିନ ସନ୍ଧ୍ୟା ରେ ନିକଟସ୍ଥ ରାଣୀ ବନ୍ଧ ରୁ ଶତାଧିକ ମହିଳା ପାଣି କଳସୀ ଆଣି ମଣ୍ଡପରେ ସ୍ଥାପନ କରିବା ପରେ ମା ଦୁର୍ଗା ରୀତିନୀତି ଅନୁସାରେ ଅଧିବାସ ଓ ବେଲବରଣ ପୂଜା କରାଯାଇଥିଲା l
ଆଜି ଶୁକ୍ରବାର ସକାଳୁ କର୍ତ୍ତା ସୁନୀଲ ଚାନ୍ଦ ଓ ତାଙ୍କ ଧର୍ମପତ୍ନୀ ଦମୟନ୍ତୀ ଚାନ୍ଦ ଦ୍ୱାରା ରୀତି ନୀତି ଅନୁସାରେ ମୁଖ୍ୟ ପୂଜକ ଭାବେ ସୁନାସିର ମିଶ୍ର, ଦୟାନିଧି ବିଶି ଙ୍କ ସହ ନିରଜ ମହାପାତ୍ର ଦଶ ଭୁଜା ମା ଦୁର୍ଗା ଙ୍କ ପୂଜା କାର୍ଯ୍ୟକ୍ରମ ଆରମ୍ଭ ହୋଇଯାଇଛି l ଅନୁଷ୍ଠିତ ଦୁର୍ଗା ପୂଜା ଉପଲକ୍ଷେ ପତ୍ୟହ ରାତିରେ ଭଜନ ସମାରୋହ ସହ ବିଭିନ୍ନ ମନୋରଞ୍ଜନ କାର୍ଯ୍ୟକ୍ରମ ଶାନ୍ତିଶୃଙ୍ଖଳା ସହ ସମାପନ ହେବ ବୋଲି ପୂଜା ପରିଚାଳନା କମିଟି ସଭାପତି ଚକ୍ରଧର ଗୌଡ଼, ସାଧାରଣ ସମ୍ପାଦକ ପ୍ରକାଶ 
କରିଥିବା ବେଳେ କମିଟି ର ଉପସଭାପତି ରୋହିତ ମାଝୀ, ଯୁଗ୍ମ ସମ୍ପାଦକ ଟୁକୁନା ପାତ୍ର, କୋଷାଧକ୍ଷ ରାଜେନ୍ଦ୍ର ପୂଜାରୀଙ୍କ ସମେତ ସଦସ୍ୟ କିଶୋର ମାଝୀ, ମନ୍ମଥ ପୂଜାରୀ, ବଡ ହଂସ, ମନବୋଧ ସାହୁ, ପ୍ରିୟବ୍ରତ ଚାନ୍ଦ ପ୍ରମୁଖ ଶାନ୍ତି ଶୃଙ୍ଖଳା ସହ ପରିଚାଳନା ପାଇଁ ସହଯୋଗ କରୁଛନ୍ତି l ଶ୍ରଦ୍ଧାଳୁ ଙ୍କ ମନୋରଞ୍ଜନ ପାଇଁ ଶୁକ୍ରବାର ଓ ଶନିବାର ରାତିରେ ଭଜନ ସମାରୋହ କାର୍ଯ୍ୟକ୍ରମ ଅନୁଷ୍ଠିତ ହେବା ସହ ରବିବାର, ସୋମବାର ଓ ମଙ୍ଗଳ ବାର ଦିନ ରାତିରେ ପଶ୍ଚିମ ଓଡ଼ିଶାର ପ୍ରଖ୍ୟାତ ଦଣ୍ଡ ନାଚ ପରିବେଷଣ କରାଯିବ ବୋଲି ପରିଚାଳନା କମିଟି ଦ୍ୱାରା ଜଣା ପଡିଛି l
ନିରଞ୍ଜନ ଗଉଡ଼, ନର୍ଲା, ପ୍ରଗତିଶୀଳ ମସିହା
