କୋକସରା,୩୦/୯-( ମ ନି ସ) କଳାହାଣ୍ଡି ଜିଲ୍ଲା କୋକସରା ବ୍ଲକ ସଭାଗୃହ ଠାରେ ଶୁକ୍ରବାର ବ୍ଲକ ସ୍ତରୀୟ ମିଶନଶକ୍ତି ଋଣ ମେଳା ଅନୁଷ୍ଠିତ ହୋଇଛି । ଏଥିରେ ମୂଖ୍ୟ ଅତିଥି ଭାବେ କୋକସରା ବ୍ଲକ ଉପାଧ୍ୟକ୍ଷ ରାଜୀବ କୁମାର ଅଗ୍ରୱାଲ, 
କୋକସରା ବିଡିଓ ଉତ୍ତମ କୁମାର ବାଗ, ଭାରପ୍ରାପ୍ତ ସିଡିପିଓ ସରୋଜ ଲତା ଦେଇ, ବିଏଲସି ଓସିଏମ ସୁମେଶ କୁମାର ରାଉତ, ବିଏଲସି ସୌମ୍ୟ ରଞ୍ଜନ ପଣ୍ଡା, ବିପିଏସିଏ ମନୋରଞ୍ଜନ ମହାନ୍ତି ସମେତ ସମସ୍ତ ବ୍ୟାଙ୍କ ଶାଖା ପରିଚାଳକ ଯୋଗ ଦେଇଥିଲେ ।
ବିଏଲ୍ସି ଓସିଏମ୍ ସୁରେଶ ରାଉତ କାର୍ଯ୍ୟକ୍ରମ ପରିଚାଳନା କରିଥିଲେ । ଏହି ଅବସରରେ ସ୍ୱୟଂ ସହାୟକ ଗୋଷ୍ଠୀକୁ ଋଣ ପ୍ରଦାନ ନିମନ୍ତେ ସମସ୍ତ ନଥିପତ୍ର ସଂଗ୍ରହ କରାଯାଇଥିଲା । 
ପରେ ବ୍ୟାଙ୍କ ମାନଙ୍କ ଦ୍ୱାରା ବ୍ଲକର ୧୪୮ ମହିଲା ସ୍ୱୟଂ ସହାୟକ ଗୋଷ୍ଠିଙ୍କୁ ୨ କୋଟି ୪୪ ଲକ୍ଷ ଟଙ୍କାର ଋଣ ପ୍ରଦାନ ପତ୍ର ଅତିଥି ମାନଙ୍କ ଦ୍ୱାରା ପ୍ରଦାନ କରାଯାଇଥିଲା ।
