ଢେଙ୍କାନାଳ(ମ.ନି.ସ)୩୦/୦୯_ ଭାରତୀୟ ଜୀବନ ବୀମା ନିଗମ ଢେଙ୍କାନାଳ ଶାଖା ଅଭିକର୍ତ୍ତା ସଂଘ ତରଫରୁ ବିଶ୍ରାମ ଦିବସ ପାଳନ କରାଯାଇଛି । ଏଥିରେ ଅଭିକର୍ତ୍ତାମାନେ ବିଭିନ୍ନ ଦାବିନେଇ ଆନ୍ଦୋଳନ କୁ ଓହ୍ଲାଇଛନ୍ତି । ଏଲ୍ଆଇସି ପଲିସି ଧାରକଙ୍କର ବୋନସ ବୃଦ୍ଧି, ପଲିସି ଋଣ ଉପରେ ସୁଧ ହ୍ରାସ ଓ ବୀମା ପ୍ରିମିୟମ ଉପରୁ ଜିଏସ୍ ଟି ଉଚ୍ଛେଦ ମୁଖ୍ୟ ଦାବି କରାଯାଇଛି । ଗତ ଏକମାସ ଧରି ଅଭିକର୍ତ୍ତାମାନେ ବିଭିନ୍ନ ଉପାୟରେ ଦାବି ଉପସ୍ଥାପନ କରୁଥିବାବେଳେ ଏଲ୍ଆଇସି କର୍ତ୍ତୃପକ୍ଷ ଏହାକୁ ଅଣଦେଖା କରୁଛନ୍ତି । ଅଭିକର୍ତ୍ତାମାନଙ୍କ ଦାବି ପୂରଣ ନହେଲେ ଆଗାମୀ ଦିନରେ ଆନ୍ଦୋଳନ କୁ ଜୋରଦାର କରାଯିବ ବୋଲି ଶୁକ୍ରବାର ଚେତାବନୀ ଦିଆଯାଇଛି । ଏହି କାର୍ଯ୍ୟକ୍ରମକୁ ଅଭିକର୍ତ୍ତା ଶଙ୍କର୍ଷଣ ରଥ, ଶ୍ରୀକାନ୍ତ କୁମାର ଦାସ, ରମେଶ ଚନ୍ଦ୍ର ସାମଲ, ଉଦୟନାଥ ମହାନ୍ତି, ଗୋବିନ୍ଦ ଚନ୍ଦ୍ର ଶତପଥୀ, ସନ୍ତୋଷ କୁମାର ପଣ୍ଡା ପରିଚାଳନା କରିଥିବାବେଳେ ଶତାଧିକ ସଦସ୍ୟ ଉପସ୍ଥିତ ରହିଥିଲେ l
ଢେ଼ଙ୍କାନାଳ ରୁ ନାୟକ ଅକ୍ଷୟ ରାଜହସ୍ତୀଙ୍କ ରିପୋର୍ଟ