କୋକସରା,୧/୧୦- ( ମ ନି ସ) କଳାହାଣ୍ଡି ଜିଲ୍ଲା କୋକସରା ବ୍ଲକ ମୋଟେର ଠାରେ ଦୁର୍ଗା ପୂଜା ପାଇଁ ଉତ୍ସବ ମୁଖର ହୋଇ ଉଠିଛି । ଆଜି ଏଥିପାଇଁ ଭବ୍ୟ କଳସ ଯାତ୍ରା ଅନୁଷ୍ଠିତ ହୋଇଯାଇଛି । 
ପାରମ୍ପାରିକ ବଜା ବଜାଇ ଗାଁ ମହାଦେବ ପୋଖରୀରୁ ପାଣି ଉଠାଇ ଗାଁ ପରିକ୍ରମା କରିବା ପରେ ପୂଜା ମଣ୍ଡପରେ କଳସ ସ୍ଥାପନ କରାଯାଇଥିଲା । ସେଠାରେ ପହଞ୍ଚିବା ପରେ ପାରମ୍ପରିକ ରୀତିନୀତି ଅନୁଯାୟୀ ଆଜି ଅଧିବାସ ପାଇଁ ପୂଜାର୍ଚ୍ଚନା କରାଯାଇଥିଲା । 
କର୍ତ୍ତା ଭାବେ ଦୁଷ୍ମନ୍ତ ପାଟ୍ଟଯୋଷୀ ଓ ତାଙ୍କ ସହଧର୍ମୀଣୀ ଜ୍ୟୋତ୍ସ୍ନା ମଞ୍ଜରୀ ପାଟ୍ଟଯୋଷୀ ରହିଥିବା ବେଳେ ଆଜିର କଳସ ଯାତ୍ରାରେ ଗାଁର ଶତାଧିକ ମହିଳା ପୁରୁଷ ଉପସ୍ଥିତ ରହିଥିଲେ । ପୂଜାର ବିଭିନ୍ନ ସନ୍ଧ୍ୟାରେ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହେବାର କାର୍ଯ୍ୟକ୍ରମ ରହିଛି ।
ଶାରଦୀୟ ଦୁର୍ଗାପୂଜା କମିଟିର ସଭାପତି ଦୁଷ୍ମନ୍ତ ପାଟ୍ଟଯୋଷୀ, ଉପ ସଭାପତି ବିନୋଦ ପଟେଲ, ସମ୍ପାଦକ ସୁଧାରାମ ସରାଫ, ସହ ସମ୍ପାଦକ, କୋଷାଧ୍ୟକ୍ଷ ରାମ ନାରାୟଣ ପୁଝାରୀ ଙ୍କ ସମେତ ସମସ୍ତ କର୍ମକର୍ତ୍ତା ଓ ଗ୍ରାମବାସୀ ଏଥିରେ ସହଯୋଗ କରିଥିଲେ ।
