ଜଣାଣ

ମାନଗୋବିନ୍ଦ ସ୍ବାଇଁ

ସବୁ ଆଶା ଛାଡ଼ି ଧରିଛି ତୋ ହାତ

    ତୋ ପାଶେ ନେଲି ଶରଣ

ଜନମ ମୃତ୍ୟୁ ର ତୁମେ ଏକା ମୋର

   ମୁକ‌ ସାକ୍ଷୀ ମୋ ପ୍ରମାଣ।

ଦୁଃଖରେ ସୁଖରେ ତୁମ ସାଥେ ଭାବ

    ଦେଖା ପଥ ସବୁ ଜ୍ଞାନ

ଅନ୍ଧାର ଆଲୋକ ତୁମ ହାତ କାମ

    ଭକ୍ତ ପାଇଁ ଭଗବାନ।

ସଂପର୍କ ରହିଛି ଭକ୍ତ ଭଗବାନ

    ନିବିଡ଼ ମଧୁର ପ୍ରେମ

ଦିନରାତି ହୁଏ ଋତୁ ଚକ୍ରପରି

    ପ୍ରଭୁଙ୍କର ସେହି କାମ।

ଖରା ବର୍ଷା ଛାଇ ତିନି ପାଦ ଏଇ

    କାହା ପରେ କିଏ ଥାଇ

ଏକା ବ୍ରହ୍ମ ସାକ୍ଷୀ ପ୍ରଭୁଙ୍କୁ ବୋଲାଇ

    ଭାବରେ ରହିଲି ଚାହିଁ।

ପାଦରେ ଜୀବନ ପଶୁଛି ଶରଣ

   ଯାହା ସବୁ କୁହ ମୋତେ

ଶାନ୍ତି ଦିଅ ଜନ ବଞ୍ଚୁ ଦୀର୍ଘଦିନ

    ତୁମେ ମୋର ଜଗନ୍ନାଥେ।

ଗୋଜାବନ୍ଧ ମହାକାଳପଡ଼ା

କେନ୍ଦ୍ରାପଡ଼ା