ରାଉରକେଲା/ ଭାରତ ସ୍ବାଧୀନତାର ଦୁଇ କର୍ଣ୍ଣଧାର ମହାତ୍ମାଗାନ୍ଧୀ ଓ ଲାଲ ବାହାଦୂର ଶାସ୍ତ୍ରୀଙ୍କ ଜନ୍ମ ଦିନକୁ ବେଶ ଶ୍ରଦ୍ଧାର ସହ ଦେଶବ୍ୟାପୀ ପାଳୁଥିବା ଅବସରରେ ପୂର୍ବ ନିର୍ଧାରିତ କାର୍ଯ୍ୟକ୍ରମ ଅନୁଯାୟୀ “କ୍ଲିନ ଓ ଗ୍ରୀନର” ସଭ୍ୟ ମାନେ ରାଉରକେଲା ରେଳ ଷ୍ଟେସନ ପରିସରରେ ଏକାଠି ହୋଇ ସ୍ବଚ୍ଛତା କାର୍ଯ୍ୟକ୍ରମ କରିଥିଲେ ।
ରାଉରକେଲା ରେଳ ମଣ୍ଡଳର ଷ୍ଟେସନ ମାଷ୍ଟର ପ୍ରଭାସ ଦାସ ଓ ଏଆରଏମ ଆର ଏନ ମହାନ୍ତି ଙ୍କ ସ୍ବତନ୍ତ୍ର ନିମନ୍ତ୍ରଣ କ୍ରମେ ଗାନ୍ଧୀ ଜୟନ୍ତୀ ରେ ଷ୍ଟେସନ ପରିସରରେ ‘ସ୍ୱଛତା ଓ ତାର ସଚେତନତା’ କାର୍ଯ୍ୟକ୍ରମ ରେ ସମସ୍ତ କ୍ଲିନ ଓ ଗ୍ରୀନର ସଦସ୍ୟ ମାନଙ୍କ ସାମିଲ ହୋଇଥିଲେ । ରେଳବାଇ କର୍ତ୍ତୃପକ୍ଷ ଙ୍କ ସମେତ ସ୍ଥାନୀୟ ସ୍କୁଲର ଛାତ୍ରଛାତ୍ରୀମାନେ ମଧ୍ୟ ଏହି କାର୍ଯ୍ୟକ୍ରମ ସଫଳ କରିବାରେ ପ୍ରମୁଖ ଭୂମିକା ନେଇଥିଲେ।
କ୍ଲିନ ଓ ଗ୍ରୀନର ବରିଷ୍ଠ ସଦସ୍ୟ ଓ ସଂପାଦକ ପ୍ରଦୀପ କୁମାର ଦାସଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଅବହେଳିତ ଅଟୋ ରିକ୍ସା ଷ୍ଟାଣ୍ଡ ଓ ପାର୍ସଲ ଡେଲିଭରି ଅଞ୍ଚଳକୁ ଆବର୍ଜନା ମୁକ୍ତ କରାଯାଇଥିଲା ଓ ମିଳିତ ଉଦ୍ୟମରେ କିଛି ବୃକ୍ଷ ରୋପଣ ମଧ୍ୟ କରାଯାଇଥିଲା। ଷ୍ଟେସନ ପରିସର ମଧ୍ୟରେ ମହାତ୍ମାଗାନ୍ଧୀ ଙ୍କ ପ୍ରତିମୂର୍ତ୍ତି ରେ ମାଲ୍ୟାର୍ପଣ ପରେ ସମବେତ ଜାତୀୟ ସଙ୍ଗୀତ ଗାନ କରାଯାଇଥିଲା ଓ ଶେଷରେ ସାଧାରଣ ସମ୍ପାଦକ ଶ୍ରୀ ଦାସ କାର୍ଯ୍ୟକ୍ରମର ସଫଳତା ପାଇଁ ସମସ୍ତଙ୍କୁ ଧନ୍ୟବାଦ ଦେଇଥିଲେ ।
ରାଉରକେଲା ରୁ କୁଞ୍ଜ ବିହାରି ରାଉତ ଙ୍କ ରିପୋର୍ଟ
