ବିଜୟା ଦଶମୀରେ ପ୍ରାର୍ଥନା
ଅମୃତ ଭାବନା ସୃଷ୍ଟି ହୋଇପାରେନା
ବୋମା କିବା ବନ୍ଧୁକରେ
ସୃଷ୍ଟି ହୋଇପାରେ ଏ ଦୁନିଆରେ ତ
କେବଳ କଲମର ମାଧ୍ୟମରେ |୧|
ଧ୍ୱଂସ ଅବା ବିଲୟ ନୁହେଁ, ମୁଁ କରେ ବିଶ୍ୱାସ
ଚିର ମଧୁମୟ ସୃଷ୍ଟିରେ
ମଣିଷ ଜୀବନ, ସ୍ୱପ୍ନ ଓ ଗନ୍ତବ୍ୟସ୍ଥଳ ରହେ
ଖୁସି ସଦା ଶାନ୍ତି ପରିସ୍ଥିତିରେ |୨|
ସମାଜେ ଶାନ୍ତି ସଦଭାବ ଚାଲିଯିବା ପରେ
ସବୁ ସୁଖ ସ୍ୱପ୍ନ ସରିଯାଏ
ହୃଦୟ କମ୍ପିଯାଏ, ଅସରନ୍ତି କୋହ ଓ ଲୁହରେ
ଛାତି ପରା ଫାଟି ଯାଏ |୩|
ଅନେକ ଦୁଃଖକୁ ଛାତି ଓ ମନରେ ଚାପି ଧରି
ଯଦି ନିଜେ ହସିବା
ଅନ୍ୟ ମାନଙ୍କୁ ହସେଇବା, ଏଇଟା ହିଁ ତ ଅଟଇ
ପ୍ରକୃତ ଜୀବନ ଜିଇଁବା |୪|
ଶରତର ଛିଟା ପଡି କାଶତଣ୍ଡୀ ଫୁଲରେ, ଜଳରେ
ହସୁଛି କଇଁ ଫୁଲର ରଙ୍ଗଣୀ
ବସୁଧାରେ ଶୁଭୁଛି ଚତୁର୍ଦ୍ଦିଗରେ ମାତୃ ଆବାହନୀ ,
ଘଣ୍ଟ ଘଣ୍ଟା ଶବଦରେ କମ୍ପୁଛି ଧରଣୀ |୫|
ବିଜୟା ଦଶମୀ ଶାରଦୀୟରେ ଦିଅ ହେ ମା ଶାନ୍ତ,
ନମ୍ର, ମେଳାପି ଓ କର୍ମଠ ପ୍ରବୃତ୍ତି
ମାନବ ମଧ୍ୟରେ ଯେତେ ଦାନବ ପ୍ରବୃତ୍ତି ଦମନ କରି
ଗୋ ମାତା ମହୀକୁ କର ଆଶ୍ବସ୍ତି |୬|
ଚିତ୍ତ ରଞ୍ଜନ ନନ୍ଦ
ଜଗତପୁର, କଟକ