କାହିଁକି ସପନେ ଆସୁଛ 

                 ଶ୍ଯାମା ପ୍ରସାଦ୍ ବୋଷ୍ 

ଗହଳ ରାତିର ବହଳ ନିଦରେ 

    କାହିଁକି ସପନେ ଆସୁଛ ? 

ଘୋର ଘନଘଟା ସୁଷୁପ୍ତ ଶରୀରେ 

    ପ୍ରୀତିର ପରଶ ଦେଉଛ । 

ପ୍ରେମ ପ୍ରୀତି ଭରା ମଧୁର ପିଆଲା 

     ସରାଗରେ କିଆଁ ଭରୁଛ ? 

ହୀରା ମୋତି ଝରା କୁହୁକ ହସରେ 

    ମନକୁ ମୋ ମୋହି ନେଉଛ ।

ସପନରେ ନିତି ଚୁପି ଚୁପି ଆସି  

    ଲୁଚକାଳି କିଆଁ ଖେଳୁଛ ?

ହାତ ପାହାନ୍ତାରୁ ଖସି ଯାଇ ପୁଣି 

    ସୁଖ ନିଦ ମୋର ଭାଙ୍ଗୁଛ ।

ନିଷିଦ୍ଧ ଛୁଆଁର କାମନା ନିଆଁରେ 

    ପ୍ରଣୟୀ କାହିଁକି ସାଜୁଛ ? 

ମିଠା ସପନର ମଧୁର ମୂହୁର୍ତ୍ତେ  

    ବିବସନା କରି ଦେଉଛ ।

ପ୍ରୀତି ପ୍ରଦୀପରେ ଆଶାର ସଳିତା 

    କାହିଁକି ଜଳାଇ ଦେଉଛ ? 

ରାତି ପାହିଗଲେ ନିରାଶା ମନରେ 

    ବିଷାଦ ଭାବନା ଭରୁଛ । 

ଅବିବେକି ପରି ବିରହ ଜ୍ବାଳାରେ 

    କାହିଁକି ଜଳାଇ ମାରୁଛ ? 

ନିଇତି ସପନେ କାହିଁକି ଆସୁଛ 

    ଦିବସେ ହତାଶ କରୁଛ ।      

ଶ୍ଯାମା ପ୍ରସାଦ୍ ବୋଷ୍ 

ବେଗୁନିଁଆ , ମଲ୍ଲୀକ୍ ସାହି 

ପୋଷ୍ଟ୍ :- ଗୋପ୍ , ଜିଲ୍ଲା :- ପୁରୀ