କର୍ଲାମୁଣ୍ଡା: କଳାହାଣ୍ଡି ଜିଲ୍ଲା କର୍ଲାମୁଣ୍ଡା ବ୍ଲକ ଅନ୍ତର୍ଗତ ବିନ୍ଧାଣୀ ଗ୍ରାମର ଆର୍.ଏସ୍ କମିଟି ପକ୍ଷରୁ ଛଅ ଓଭର ବିଶିଷ୍ଟ ଏକ ଦିବସୀୟ କ୍ରିକେଟ ଟୁର୍ଣ୍ଣାମେଣ୍ଟ ରବିବାର ଅନୁଷ୍ଠିତ ହୋଇଯାଇଛି l ଏଥିରେ ମୁଖ୍ୟ ଅତିଥି ଭାବେ ତେରେସିଙ୍ଗା ପଞ୍ଚାୟତର ସରପଞ୍ଚ ଶ୍ରୀଯୁକ୍ତ ପ୍ରମୋଦ ସୁନା, ସମ୍ମାନିତ ଅତିଥି ଭାବେ ଗାଳ୍ପିକ-ଗୀତିକାର- ଅଭିନେତା- ତଥା କ୍ଷୁଦ୍ର ଚଳଚ୍ଚିତ୍ର ନିର୍ଦ୍ଦେଶକ ଶ୍ରୀଯୁକ୍ତ ସଂଜୀବ କୁମାର ନାଗ ଏବଂ ବିନ୍ଧାଣୀ କ୍ରିକେଟ ଦଳର ପୂର୍ବତନ ଖେଳାଳୀ ଶ୍ରୀଯୁକ୍ତ ଚରଣ ବାଗ ପ୍ରମୁଖ ଯୋଗ ଦେଇଥିଲେ l 
ଏହି ଟୁର୍ଣ୍ଣାମେଣ୍ଟରେ ଆଖପାଖ ଅଞ୍ଚଳର ମୋଟ ଆଠ ଗୋଟି କ୍ରିକେଟ ଦଳ ଅଂଶଗ୍ରହଣ କରିଥିଲା l ପ୍ରଥମେ ତେରେସିଙ୍ଗା ଓ ରିଷିଡା ମଧ୍ୟରେ ଖେଳ ହୋଇଥିଲା l ଶେଷରେ ଭାଲୁପିଆ ଓ ସରଗୁଲ ଦଳ ମଧ୍ୟରେ ଫାଇନାଲ ମ୍ୟାଚ ଅନୁଷ୍ଠିତ ହୋଇଥିଲା l ଏଥିରେ ସରଗୁଲ ଦଳ ଚମ୍ପିୟାନ ହୋଇଥିଲେ l ସରଗୁଲ ଦଳର ହିରୋ ଜାନୀ ଫାଇନାଲ ମ୍ୟାଚର ମ୍ୟାନ ଅଫ ଦି ମ୍ୟାଚ ହୋଇଥିଲେ l ଏଥିରେ କମିଟିର ରୋହିତ ସାହୁ, ମଧୁସୂଦନ ଘିଭେଲା, ସତ୍ୟ ରଞ୍ଜନ ସୁନା, ବିସ୍ମୟ ନାଗ, ଶାଶ୍ୱତ ତାଣ୍ଡି, ଆକାଶ ସାହୁ ପ୍ରମୁଖ ସହଯୋଗ କରିଥିଲେ l
କର୍ଲାମୁଣ୍ଡାରୁ ସୁଶାନ୍ତ ରଣାଙ୍କ ରିପୋର୍ଟ, ମସୀହା
