ଗୋଲାମୁଣ୍ଡା ତା-୧୦/୧୦ /ମସିହା/କଳାହାଣ୍ଡି ଜିଲ୍ଲା ଗୋଲାମୁଣ୍ଡା ବ୍ଲକ ଫୁଣ୍ଡା ଗ୍ରାମପଞ୍ଚାୟତ ପରିସରରେ ଆଜି ବ୍ଲକ ସ୍ତରୀୟ ଜନ ଶୁଣାଣି ଓ ସମାଧାନ ଶିବିର ଅନୁଷ୍ଠିତ ହୋଇଯାଇଛି । ଏହି ଜନଶୁଣାଣି ଶିବିରରେ ଫୁଣ୍ଡା , ଫରଙ୍ଗ , ଦଶପୁର ଗ୍ରାମପଞ୍ଚାୟତ ସମେତ ବ୍ଳକର ଅନେକ ଗ୍ରାମପଞ୍ଚାୟତରୁ ଜନସାଧାରଣ ନିଜର ଅଭିଯୋଗ ନେଇ ଆସିଥିଲେ । ଅଭିଯୋଗ ପାଇଁ ୪୭୦ ଜଣ ପଞ୍ଜିକରଣ କରିଥିବା ବେଳେ ୫୦ ଜଣ ଲୋକଙ୍କ ଅଭିଯୋଗର ସମାଧାନ ହୋଇଥିଲା । 
ବ୍ଲକ ଅଧ୍ୟକ୍ଷ ବିନ୍ଦୁ ମହାନନ୍ଦ ଉପସ୍ଥିତ ରହି ଲୋକଙ୍କ ଅଭିଯୋଗ ଶୁଣି ବିଭିନ୍ନ ବିଭାଗର ଅଧିକାରୀମାନଙ୍କ ଉପସ୍ଥିତିରେ ୫୦ ଜଣ ଲୋକଙ୍କ ଅଭିଯୋଗର ସମାଧାନ କରିଥିଲେ ।ବିଡିଓ ଶ୍ରୀଧର ପଣ୍ଡା , ତହସିଲଦାର ଟିକୁନୁ ପୁଟା , ଡ.ସୁବ୍ରତ ମିଶ୍ର , ସହକାରୀ ନିର୍ବାହୀ ଯନ୍ତ୍ରୀ ପର୍ଶୁରାମ ନାଏକ , ଗୋଲାମୁଣ୍ଡା ଥାନା ଅଧିକାରୀ ଯୁଗଲ ଶବର , ସିଡିପିଓ ପ୍ରେମା ମଞ୍ଜରୀ ସାହୁ , ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ଲବଣି ନାଏକ , ଗ୍ରାମୀଣ ଆବାସ ବିଭାଗର ବିପିସି ମଧୁ ସୁଦନ ସାହୁ , ସାମାଜିକ ସୁରକ୍ଷାର ଚନ୍ଦନ ବିହାରୀ , ବିପିଏମ ସୁଧାଂଶୁ ବିଶ୍ବାଳ , ଜଳ ଓ ପରିମଳ ଯତ୍ନୀ ସୁବାସ ପଣ୍ଡା , ଏଏଓ ଲିଙ୍ଗରାଜ ମେହେର , ନରେଗା ବିଭାଗର ଏପିଓ ଗୋପାଳ ମାଝୀ , ଏଭିଏସ ନେତ୍ର ପ୍ରକାଶ ଭାରତି , 
ଅତିରିକ୍ତ ଉଦ୍ୟାନ ଅଧିକାରୀ ନିହାରିକା ସାହୁ , କନିଷ୍ଠ ଯନ୍ତ୍ରୀ ଚିତ୍ତ ରଞ୍ଜନ ଜେନା , ଦୁଇ ନମ୍ବର ଜୋନ୍ ଜିଲ୍ଲା ପରିଷଦ ସଭ୍ୟା ସରିତା ମାଝୀ , ଫୁଣ୍ଡା ସମିତି ସଭ୍ୟ ଉପେନ୍ଦ୍ର ନାଗ , ଫୁଣ୍ଡା ପିଇଓ ପ୍ରଶାନ୍ତ ନାଏକ , ବୋରଗୁଡା ପିଇଓ ଅଲେଖ ସାହୁ , ଦଶପୁର ସରପଞ୍ଚ ରଞ୍ଜନ ସାହୁ , ସମିତି ସଭ୍ୟ ଦୁର୍ଗେଶ୍ଵର ସାହୁ ଓ ସମସ୍ତ ଗ୍ରାମ ରୋଜକ ସେବକ ପ୍ରମୁଖ ଉପସ୍ଥିତ ଥିଲେ । ପ୍ରାଣୀ ଚିକିତ୍ସା , ଜଙ୍ଗଲ ବିଭାଗ , ମୃତ୍ତିକା ସଂରକ୍ଷଣ ବିଭାଗ , ଉଦ୍ୟାନ ବିଭାଗ , ସମନ୍ବିତ ଶିଶୁ ବିକାଶ ବିଭାଗ , ସ୍ବାସ୍ଥ୍ୟ ବିଭାଗ , ଯୋଗାଣ ବିଭାଗର କର୍ମଚାରୀମାନେ ମଧ୍ୟ ଉପସ୍ଥିତ ଥିଲେ । ଏହି ଅବସରରେ ଗ୍ରାମପଞ୍ଚାୟତ ପରିସରରେ ଲୋକଙ୍କୁ ମାଗଣା କୋଭିଡ ବୁଷ୍ଟର ଡୋଜ ପ୍ରଦାନ କରାଯାଇଥିଲା ।
ଗୋଳାମୁଣ୍ଡା ବ୍ଲକରୁ ରାମକୁମାର ସେନାପତି ଙ୍କ ରିପୋର୍ଟ ପ୍ରଗତି ଶୀଳ ମସିହା,
