ଡାବୁଗାଁ, ୧୩/୧୦ ନବରଙ୍ଗପୁର ଜିଲା ଡାବୁଗାଁ ବ୍ଲକ ଭାରପ୍ରାପ୍ତ ସାମାଜିକ ସୁରକ୍ଷା ଅଧିକାରୀ ପେନସନ ଅର୍ଥ ଆତ୍ମସାତ କରିଥିବା ନେଇ ଡାବୁଗାଁ ଥାନାରେ ବୁଧବାର ବିଡିଓ ଶରତ ମାଝି ଅଭିଯୋଗ କରିଛନ୍ତି | ସୂଚନାଯୋଗ୍ୟ ଯେ ଡାବୁଗାଁ ବ୍ଲକ ଭାରପ୍ରାପ୍ତ ସାମାଜିକ ସୁରକ୍ଷା ଅଧିକାରୀ ଅତନୁ ଦେଉରୀ ଙ୍କୁ ମଧୁବାବୁ ପେନସନ ଯୋଜନାରେ ୧୮୬ ଜଣ ହିତାଧିକାରୀଙ୍କ ଭତ୍ତା ୯୮ ହଜାର ୨୦୦ ଟଙ୍କା ବ୍ୟାଙ୍କରେ ଜମା କରିବାକୁ ସରକାରୀ ନିର୍ଦ୍ଦେଶ ରହିଥିଲା | ବ୍ଲକ ଭାରପ୍ରାପ୍ତ ସାମାଜିକ ସୁରକ୍ଷା ଅଧିକାରୀ ଉକ୍ତ ଟଙ୍କା ବ୍ୟାଙ୍କରେ ଜମା ନକରି ନିଜ ସମ୍ପର୍କୀୟଙ୍କ ଆକାଉଣ୍ଟରେ ଜମା କରିଥିଲେ | ଏନେଇ ଜିଲା ପ୍ରଶାସନ ନିକଟରେ ଖବର ପହଞ୍ଚିଥିଲା | ପ୍ରାଥମିକ ତଦନ୍ତ ପରେ ଏହାର ସତ୍ୟତା ଜଣାପଡିଥିଲା | ତୁରନ୍ତ କାର୍ଯ୍ୟ|ନୁଷ୍ଠାନ ନିଆଯାଇ ଅତନୁ ଦେଉରୀଙ୍କୁ କାର୍ଯ୍ୟରୁ ନିଲମ୍ବିତ କରାଯାଇଥିଲା | ଏନେଇ ଜିଲା ପ୍ରଶାସନ ଙ୍କ ନିର୍ଦ୍ଦେଶ କ୍ରମେ ବିଡିଓ ଶରତ ମାଝି ଡାବୁଗାଁ ଥାନାରେ ଏତଲା ଦେଇଥିଲେ | ଉକ୍ତ ଏତଲାକୁ ଭିତ୍ତି କରି ଥାନା କେସନଂ ୧୫୫/୨୨ରେ ଏକ ମାମଲା ରୁଜୁ କରାଯାଇଛି |
ପ୍ରଜ୍ଞାରଞ୍ଜନ ପରିଡା, ଡାବୁଗାଁ