ଚନ୍ଦାହାଣ୍ଡି (ମ ନିସ) ଚନ୍ଦାହାଣ୍ଡି ବ୍ଲକ ଅଧିନସ୍ଥ ପାଟଖଲିଆ ଗ୍ରାମ ଠାରେ ଗଜଲକ୍ଷ୍ମୀ ପୂଜା ଅବସରରେ ଘୁମୁରା ପ୍ରତିଯୋଗିତା ଅନୁଷ୍ଠିତ ହୋଇଯାଇଛି । ଏହି ପ୍ରତିଯୋଗିତାରେ ପଡୋଶୀ କଳାହାଣ୍ଡି ଜିଲ୍ଲାର ବାନେର, କଦଳିମୁଣ୍ଡା, ପଦମପୁର, ସାନକେନ୍ଦୁଗୁଡା,ଅନ୍ତରଲା,ନାଗଫେନି ଓ ଚନ୍ଦାହାଣ୍ଡି ବ୍ଲକର ବାବୁରିଆ ଦଳ ଅଂଶ ଗ୍ରହଣ କରି ନିଜ ନିଜ କଳା ପ୍ରଦର୍ଶନ କରିଥିଲେ । ଏଥିରେ କଳାହାଣ୍ଡି ଜିଲ୍ଲା ଅନ୍ତରଲା ଦଳ ପ୍ରଥମ ସ୍ଥାନ ଅଧିକାର କରିଥିବା ରୁ ୧୩ ହଜାର , ବାନେର ଦଳ ଦ୍ୱିତୀୟ ହୋଇଥିବାରୁ ୧୧ ହଜାର , ତୃତୀୟ ସ୍ଥାନ ଅଧିକାର କରିଥିବା କଦଳିମୁଣ୍ଡା ଦଳକୁ ୯ ହଜାର ଟଙ୍କା ଏବଂ ଚତୁର୍ଥ ସ୍ଥାନ ଅଧିକାର କରିଥିବା ବାବୁରିଆ ଦଳ କୁ ୮ ହଜାର ଟଙ୍କା ପୂଜା କମିଟି ତରଫରୁ ପ୍ରଦାନ କରାଯାଇଥିବା ସହ ସାନ୍ତ୍ୱନା ପୁରଷ୍କାର ଭାବେ ସମସ୍ତ ଦଳକୁ ୬ ହଜାର ୫ ଶହ ଲେଖାଏଁ ପୁରଷ୍କୃତ କରାଯାଇଥିଲା । ପୂର୍ବତନ ସରପଂଚ ହର ପୁଜାରୀ ଙ୍କ ସଭାପତିତ୍ୱରେ ଆୟୋଯିତ ଏହି ସାଂସ୍କୃତିକ କାର୍ଯ୍ୟକ୍ରମରେ ମୂଖ୍ୟ ଅତିଥି ଭାବେ ନବରଙ୍ଗପୁର ସାଂସଦ ରମେଶ ଚନ୍ଦ୍ର ମାଝୀ , ସମ୍ମାନୀତ ଅତିଥି ଝରିଗାଁ ବିଧାୟକ ପ୍ରକାଶ ଚନ୍ଦ୍ର ମାଝୀ , ଜିଲ୍ଲା ପରିଷଦ ସଭ୍ୟା କେତକୀମଲ୍ଲୀ ଗୈାଡ, ପାଟଖଲିଆ ସରପଂଚ ସୁଶିଳା ପୁଜାରୀ, ଉପାଧ୍ୟକ୍ଷ ବାସୁଦେବ ଗୈାଡ, ପୂର୍ବତନ ଜିଲ୍ଲା ପରିଷଦ ସଭ୍ୟ ସନିନ୍ଦ୍ର ସୋରୀ , ଯୁବ ବିଜେଡି ସଭାପତି ତ୍ରୀନାଥ ଦାଶ , ବ୍ଲକ ବିଜେଡି ସଭାପତି ଗୈାରହରୀ ନାୟକ , ବରିଷ୍ଠ କଳାକାର ପୁରୁଷୋତମ ପାରୀ , ଦୁତିବାହାନ ଖମାରୀ, ବଳରାମ ପଟ୍ଟନାୟକ, ମଧୁସୂଦନ ନାଗେଶ ପ୍ରମୂଖ ଯୋଗଦେଇ ଘୁମୁରା ପ୍ରତିଯୋଗିତାର ଶୁଭାରମ୍ଭ କରିଥିଲେ । ପୁରଷ୍କାର ବିତରଣ ଉତ୍ସବରେ ପ୍ରଦିପ ଦାଶ , ଶ୍ୟାମସୁନ୍ଦର ନେତାମ, ଗୈାରହରୀ ନାୟକ, ଶ୍ରୀବତ୍ସ ପଣ୍ଡା, ସହଦେବ ସୁନା,କାର୍ତିକ ଡଙ୍ଗରୀ,ରୋହିତ ସୁନା ଯୋଗ ଦେଇ କୃତି ପ୍ରତିଯୋଗି ମାନଙ୍କୁ ପୁରଷ୍କୃତ କରିଥିଲେ । ପ୍ରଦିପ ଦାଶ ମଂଚ ପରିଚାଳନା କରିଥିବା ବେଳେ ପ୍ରତିଯୋଗିତାରେ ବିଚାରକ ଭାବେ ସହଦେବ ସୁନା , ଅଭିରାମ ବଗର୍ତି , ଗୈାରହରୀ ନାୟକ ଓ ଶ୍ରୀବତ୍ସ ପଣ୍ଡା କାର୍ଯ୍ୟ ତୁଳାଇଥିଲେ । ,ଗଙ୍ଗାରାମ ମାଝୀ ,ଦୁତିକୃଷ୍ଣ ଶର୍ମା , ପ୍ରଶାନ୍ତ ରଥ , ବିଦ୍ୟାଧର ନେତାମ,ବିଷ୍ଣୁ ପୁଜାରୀ , ମୁକୁନ୍ଦ ମାଝି , ଜୟରାମ ନେତାମ , ଚିତ୍ରସେନ ବଗର୍ତି , ଶଙ୍କର ମାଝୀ , ତ୍ରୀନାଥ ଡଙ୍ଗରୀ , କୈବଲ ନାଗେସ ,ଭୂଜବଳ ବିଶି, ଗୋଇନ୍ଦୁ ନାଗେସ ପ୍ରମୁଖ ସହେଯାଗ କରିଥିଲେ । ଏହି ରଙ୍ଗାରଙ୍ଗ କାର୍ଯ୍ୟକ୍ରମ ଉପଭୋଗ କରିବା ନିମନ୍ତେ ଦଶ ହଜାରରୁ ଉର୍ଦ୍ଧ ଦର୍ଶକ ଭିଡ ଜମାଇଥିଲେ ।
ଚନ୍ଦାହାଣ୍ଡି ରୁ ଦିଲୀପ ଦାସ ଙ୍କ ରିପୋର୍ଟ