ତମ୍ବାହରା ଜଣାଣ

ଶୁଣ ଶୁଣରେ ମିତ

ରାଧାକୃଷ୍ଣ କୁଞ୍ଜେ ବଂଶୀ ସଙ୍ଗୀତ|୦|

ଅହରହ ଲାଗିଅଛି ରାହାସ

ରାଧା ମୁଖୁ ଫୁଟେ ମଧୁର ହାସ

ସେ ଲୀଳା ଦର୍ଶନେ ହେବ ବିକାଶ

ଲୁପ୍ତ ରହିଥିବା ଜ୍ଞାନ ପ୍ରୟାସ

କୁଞ୍ଜବନେ ବହେ ପ୍ରେମ ସରିତ

ଶୁଣ ଶୁଣରେ ମିତ। |୧|

ଦେଖୁଛନ୍ତି ସେହି ଦୃଶ୍ୟ ଅମରେ

ପିଉଛନ୍ତି ପ୍ରେମ ରସ ଭ୍ରମରେ

ଦେଖିବାକୁ ଯାହା ବ୍ରହ୍ମା ଭ୍ରମରେ

ବ୍ରହ୍ମା ରୁପ ନେଲେ ଭକ୍ତ ଭ୍ରମରେ

ଦେଖ ସେହି ଦୃଶ୍ୟ ମନତୁରିତ

ଶୁଣ ଶୁଣ ରେ ମିତ|। |୨|

କାଳିଆ ତରୁରେ କନକ ଲତା

ମାଡ଼ି ଥିଲାପ୍ରାୟେ ଦୁହେଁ ଶୋଭିତା

ଶୀରେ ଶୋଭାପାଏ ସୁମନ ଲତା

ପାଦେ ସୋଭାପାଏ ରକ୍ତ ଅଳତା

ପ୍ରେମର ସୌରଭେ କୁଞ୍ଜ ଶୋଭିତ

ଶୁଣ ଶୁଣରେ ମିତ|। |୩|

ଜଗତ ମୋହୁଛି ମଧୁର ବଂଶୀ

ରାଧା ରୂପ ଶିରୀ ପ୍ରେମ ପ୍ରଶଂସୀ

କି କହିବି କହ ନର୍ତ୍ତକ ଅଂଶୀ

ମୋହୁଛି ମୋ ମନ ନିତ୍ଯ ଆକର୍ଷି

ଲୀଳାମୟ ହେଲେ ଜଗତ ହିତ

ଶୁଣ ଶୁଣରେ ମିତ |୪|

ଶ୍ରୀ ବିଦ୍ୟାଧର ମହାନ୍ତ ତମ୍ବାହରା

ହରି ଚନ୍ଦନ ପୁର କେନ୍ଦୁଝର