ସପନ
ଦେଖିଥିଲି ମନେ ତୋ ପାଇଁ ସପନ
ହାତଧରି ପାଶେ ବସି
ଭଲ ପାଇବାରେ କି ଭୁଲ୍ ରହିଲା
କରିଦେଲ ମୋତେ ଦୋଷୀ
ଦେଖିଥିଲି ମନେ……………….୧
ସାଥି ହୋଇ ଦିନେ ବାଟ ଚାଲୁଥିଲେ
କାହିଁ ହେଲ ବାଟ ବଣା
ମନର ଭିତରେ କାହିଁ ପାଇଁ ଏତେ
ରଖିଥିଲ ଏତେ ଘୃଣା
ପ୍ରେମ ତ ମୋହର ଅପବିତ୍ର ହେଲା
ଜୀବନ ଯାଉଛି ଭାସି
ଦେଖିଥିଲି ମନେ……………….୨
ତୁମେ କି ବୁଝିବ ପ୍ରେମର କଳଙ୍କ
ଲାଗିଲା ମଥାରେ ମୋର
ସବୁ ସପନକୁ ଭାଙ୍ଗି ଦେଇ ତୁମେ
ସୁଖରେ ରୁହ ଏଥର
ଭଲ ମୁଁ ପାଉଛି ଭୁଲିବିନି କେବେ
ତୁମେ ମୋ ପ୍ରେମର ସାକ୍ଷୀ
ଦେଖିଥିଲି ମନେ ତୋ ପାଇଁ ସପନ
ହାତଧରି ପାଶେ ବସି…………..୩
ସତ୍ୟରଞ୍ଜନ ସ୍ୱାଇଁ
ଅବଦଲପୁର, ଯାଜପୁର
