କୋକସରା,୧୬/୧୦- (ମ ନି ସ) କଳାହାଣ୍ଡି ଜିଲ୍ଲା କୋକସରା ବ୍ଲକ ନେଗିଗୁଡା ଗ୍ରାମର ଜଣେ ଚାଷୀ କୈଳାଶ ପଟେଲ (୩୬) କୋକସରା ରୁ କୀଟନାଶକ ଔଷଧ କିଣି ନିଜ ପୁତୁରା ବ୍ରଜ ପଟେଲ ସହ ନିଜ ଗାଁ କୁ ଫେରୁଥିଲେ । ବଙ୍ଗୋମୁଣ୍ଡା ଟେମରା ରାସ୍ତାର ଏକ ବୁଲାଣିରେ ବିପରୀତ ଦିଗରୁ ଦ୍ରୁତ ଗତିରେ ଆସୁଥିବା ଚିଲିଗୁଡା ଗ୍ରାମର ବିଦ୍ୟା ନାଗ (୨୩)ର ବାଇକ ନମ୍ବର ଓଡ଼ି ୨୪ – ୧୭୪୨ ଓ ଓଡ଼ି ୦୮ ଇ ୬୫୮୪ ନମ୍ବର ର ବାଇକ୍ ସହ ମୁହାଁମୁହିଁ ଧକ୍କା ହେବା ଫଳରେ ଅନ୍ୟ ପଛରେ ବସିଥିବା କୈଳାଶ ପଟେଲ ଙ୍କ ଗୋଡ଼ ଭାଙ୍ଗି ଯାଇଥିଲା । ସ୍ଥାନୀୟ ଲୋକେ ଯୁବକଙ୍କୁ ଉଦ୍ଧାର କରି କୋକସରା ଡାକ୍ତରଖାନାରେ ଭର୍ତ୍ତି କରିଥିଲେ । ପ୍ରାଥମିକ ଚିକିତ୍ସା ପରେ ଜିଲ୍ଲା ମୁଖ୍ୟ ଡାକ୍ତରଖାନା ଭବାନୀପାଟଣା କୁ ସ୍ଥାନାନ୍ତର କରାଯାଇଛି। ଅନ୍ୟ ବାଇକରେ ଥିବା ଯୁବକ ମଧ୍ୟ ସାମାନ୍ୟ ଆହତ ହୋଇଛନ୍ତି। ଖବର ପାଇ କୋକସରା ପୁଲିସ ଘଟଣାସ୍ଥଳରେ ପହଞ୍ଚି ଦୁର୍ଘଟଣା ହୋଇଥିବା ୨ ବାଇକକୁ ଜବତ କରିଛି। ତେବେ ଗୁରୁତର କୈଳାଶ ପଟେଲ ଜଣେ ଚାଷୀ ଓ ସେ ଘରର ଏକମାତ୍ର ରୋଜଗାରକ୍ଷମ ବ୍ୟକ୍ତି ଥିଲେ। ଦୁର୍ଘଟଣାରେ ଗୋଡ଼ ଭାଙ୍ଗିବା ପରେ ପରିବାର ବେସାହାରା ହୋଇ ପଡିଛନ୍ତି। ଅନ୍ୟପଟେ ଦୁର୍ଘଟଣା ଘଟାଇଥିବା ଯୁବକ କୋକସରା ବିଦେଶୀ ମଦ ଦୋକାନର କର୍ମଚାରୀ ଓ କୁଳେରଗୁଡା କୁ ମଦ ଡେଲିଭରି କରି ଫେରିବା ସମୟରେ ଦୁର୍ଘଟଣା କରିଥିବା ସ୍ଥାନୀୟ ଲୋକେ ଅଭିଯୋଗ କରିଛନ୍ତି। କୋକସରା ପୁଲିସ ଅଧିକାରୀ ପ୍ରସନ୍ନ ବେହେରା ଘଟଣାର ତଦନ୍ତ ଜାରି ରହିଥିବା ନେଇ ସୁଚନା ଦେଇଛନ୍ତି ।
previous post