ଡାବୁଗାଁ, ୧୭/୧୦ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ଥାନା ପୋଲିସ ଟଙ୍କା ଦେଇ ଶାରେରିକ ସମ୍ପର୍କ ରଖିବାକୁ ବାଧ୍ୟ କରିବା ଅଭିଯୋଗରେ ଡ଼ଙ୍ଗରିଗୁଡା ଗ୍ରାମର କପୁର ଭତ୍ରା (୪୦) ଙ୍କୁ ସୋମବାର ଗିରଫ କରି କୋର୍ଟ ଚାଲାଣ କରିଛି | ସୂଚନାଯୋଗ୍ୟ:- ୧୧.୧୦.୨୨ ତାରିଖ ଦିନ ୧୨ ଘ. ସମୟରେ ଡ଼ଙ୍ଗରିଗୁଡା ଗ୍ରାମର କପୁର ଭତ୍ରା ନିଜ ଗ୍ରାମର ଜଣେ ମହିଳା ଙ୍କ ଘରକୁ ଯାଇ ତାଙ୍କୁ ୫୦୦ ଟଙ୍କା ଦେଇ ଶାରେରିକ ସମ୍ପର୍କ ସ୍ଥାପନ କରିବା ପାଇଁ କହିଥିଲେ | କିନ୍ତୁ ମହିଳା ଜଣଙ୍କ ମନା କରିଥିଲେ | ମହିଳା ଜଣଙ୍କ ମନା କରିବାରୁ କପୁର ମହିଳାଙ୍କୁ ଗାଳି କରିବା ସହ ମାରିଦେବାକୁ ଧମକ ଦେଇ ଥିଲେ | ମହିଳା ଜଣଙ୍କ ଦଉଡି ପଳାଇବାରୁ ସେ ତାର ପିଛା କରିଥିଲେ | ବାଟରେ ଅର୍ଜୁନ ଭତ୍ରା ନାମକ ଜଣେ ବ୍ୟକ୍ତି ଦେଖି କପୁର ଙ୍କୁ ଧରି ତାର ଘରକୁ ନେଇଯାଇଥିଲେ | ପରେ ୧୬ ତାରିଖ ଦିନ ମହିଳା ଜଣଙ୍କ ଡାବୁଗାଁ ଥାନାରେ ଏତଲା ଦେଇଥିଲେ | ଉକ୍ତ ଏତଲାକୁ ଭିତ୍ତି କରି ଥାନା କେସ ନଂ ୧୬୨/୨୨ରେ ଏକ ମାମଲା ରୁଜୁ କରି ସୋମବାର କପୁର ଭତ୍ରାଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି ବୋଲି ଆଇଆଇସି ପ୍ରମୋଦ କୁମାର ନାୟକ ସୂଚନା ଦେଇଛନ୍ତି |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
