Uncategorizedନଳିନୀ ପ୍ରଭା ମିଶ୍ର ଙ୍କ କବିତା ହେମନ୍ତ ସନ୍ଧ୍ୟା by Sunil Chandra NayakOctober 19, 2022056 Share0 ହେମନ୍ତ ସନ୍ଧ୍ୟା ନଳିନୀ ପ୍ରଭା ମିଶ୍ର ହୈମନ୍ତିକ ସନ୍ଧ୍ୟା ହୁଅଇ ଆଗତ ଦିବସ ହୁଅଇ ହ୍ରାସ ଧରଣୀ ରାଣୀ ରକ୍ତିମ ତା ତେଜି ଧର ଇ ପାଶୁଂଳ ବେଶ। ନ ଥାଏ ଉଦ୍ଦୀପ୍ତ ଆଭା ସୂର୍ଯ୍ୟଙ୍କର ସନ୍ଧ୍ୟା ଆସେ ଧୀରେ ଧୀରେ ରଜନୀ ରାଣୀ ତା’ କଳା ଓଢଣି କୁ ଆବୃତ କରେ ମହୀରେ। ଗ୍ରାମ୍ୟ ବଧୂ ଦିଏ ବୃନ୍ଦା ବତୀ ପୀଠେ ସଂଜ ର ଶୁଭ ଦୀପାଳି ପୂଣ୍ୟ କାର୍ତ୍ତିକ ର ଆକାଶ ଦୀପଟି ଉର୍ଦ୍ଧୁ ଉର୍ଦ୍ଧେ ଉଠେ ଜଳି। ମନ୍ଦିର ରେ ଶୁଭେ ଘଣ୍ଟ,ଘଣ୍ଟା ଧ୍ବନି ପୁରାଣ ପାଠର ବେଳ ଆଧ୍ୟାତ୍ମିକ ଭାବ ଦିଏ ବିଶେଷତ୍ବ ହୈମନ୍ତିକ ସାନ୍ଧ୍ୟ କାଳ। ପହିଲି ଶୀତର ଶୀତଳ ସମୀର ଦେହକୁ ଯାଉଛି ଛୁଇଁ ଶାଳୀ ଧାନ୍ୟ କେଣ୍ଡା କେଦାରେ କେଦାରେ ଗର୍ଭ ଭାରେ ଯାଏ ନ ଇ୰। ଅଳସୀ ଜହ୍ନ ର ଲୁଚକାଳି ଖେଳ ମେଘ ଆଢୁଆଳୁ ଆସେ ଟୁବି ଗାଡ଼ିଆ ରୁ କୁବଳୟ ଚାହିଁ ଲାଜେଇ ଲାଜେଇ ହସେ। ମେଘୁଆ ଆକାଶେ ମିଞ୍ଜି ମିଞ୍ଜି ତାରା ହେମନ୍ତ ର ବିଭା ଧରି ନବୀନ ଋତୁର ନୂଆଁ ଅନୁଭବ ଦିଏ ଆନମନା କରି। ଶିଶିର ସ୍ନାତା ଏ ଧରଣୀ ବୁକୁ ରେ ପିଚୃପ୍ରସୂ ଆଗମନ ପୂଣ୍ୟ କାର୍ତ୍ତିକ ର ପବିତ୍ର ବେଳାରେ ପୂତ ହୂଏ ଦେହ ମନ। ମୁକୁନ୍ଦ ପୁର, ଆସ୍କା, ଗଞ୍ଜାମ