ଜଣାଣ

ମାନଗୋବିନ୍ଦ ସ୍ବାଇଁ

କାର୍ତ୍ତିକ ମାସରେ ପ୍ରଭାତ ସ୍ନାହାନ

      ମନ୍ଦିର ଦର୍ଶନ ଆଗ

ଭଜନ କୀର୍ତ୍ତନ ହରି ନାମ ଜପ

    ନେଉ ଥିବା ଆଗେ ଭାଗ।

ଚନ୍ଦନ ତୂଳସୀ ମଥାରେ ଲଗାଇ

     ପାଦୁକା ଜଳକୁ ପାଇ

ଗାଉଥିବା ଗୀତ ପ୍ରଫୁଲ୍ଲ ମନରେ

   ଭଗବାନ ଚିତ୍ତେ ରହି।

ହରିବୋଲ ଧ୍ବନି ପ୍ରକଂପିତ ହୁଏ

    ଦୂର ଯାଏ ପାପ ଛାଡ଼ି

ଅନ୍ଧାର ଦୂରେଇ ଆଲୋକ ଆସଇ

   ହୁଳହୁଳି ପଡେ ଯୋଡ଼ି।

ଝାଞ୍ଜ କରତାଳି ପ୍ରଭୁ ଯନ୍ତ୍ର ମାନ

   ତାଙ୍କ ଇଙ୍ଗିତରେ ବାଜେ

ନିମିତ ମାତ୍ର ମୁଁ ତାଙ୍କରି ଆଦେଶ

    ସଦାକାଳେ ତାଙ୍କୁ ଖୋଜେ।

ଫୁଲ ଧୂପ ଦୀପ ଝୁଣା ଦେଇ ପୂଜା

       ବାଢୁଛି ପ୍ରସାଦ ଆଗେ

ମନ୍ତ୍ର ପାଠ କରି ସ୍ତୁତି କରୁଅଛି

  ସକାଳ ସନ୍ଧ୍ୟାରେ ଯୋଗେ।

ଗୋଜାବନ୍ଧ ମହାକାଳପଡ଼ା

କେନ୍ଦ୍ରାପଡ଼ା