କୃତଜ୍ଞତା

ଉପେନ୍ଦ୍ର କୁମାର ବସ୍ତିଆ

   

ଜୀବନ ଯୁଦ୍ଧରେ ସିପାହୀ ଜଣେ ମୁଁ 

    ହାରିନାହିଁ ହାରିବିନି 

ଆସୁ ଯେତେ ବାଧା ବନ୍ଧନ ପଛେ 

    ଫେରି ନାହିଁ ଫେରିବିନି ।

 ବିଶ୍ଵାସର ଢାଲ ହାତେ ଧରି ନେଇ 

    ଉଦ୍ୟମ କରେ ସକଳ

ଜିତିଛି ଜିତିବି ଯିତୁଥିବି ମଧ୍ୟ 

    ସମୟର ସହ ତାଳ ।

କାନ୍ଦି ବିନି ମୁହିଁ ହସୁଥିବି ସଦା 

    ଦେଖି ମଧୁମୟ ବିଶ୍ଵ 

କୃତଜ୍ଞତା ସହ ରଚିବି କବିତା 

    ବନିତା ମୁଁ ନୁହେଁ ନିସ୍ଵ ।

ଅବଳା ନୁହଁଇ ଦୁର୍ବଳତା ମନେ 

    ଶତ ସୂର୍ଯ୍ୟର ଶକ୍ତି 

ସିଂହ ବାହିନୀ ଦୁର୍ଗା ମାଆ ମୋ

    ନାରୀ ଜାତି ପ୍ରତି ନିଧି ।

ସାରା ଜଗତକୁ ବାନ୍ଧୁଥିବି ପ୍ରେମେ 

    ଶତ୍ରୁ କେ ହେବ କିମ୍ପା 

ହସେ ,ରସେ, ଭାଷେ ମହକାଇ ଦେବି 

    ହେବି ମୁ କୁସୁମ ଚମ୍ପା ।

ସମ୍ଭାବନାର ସନ୍ଦେଶ ଦେଇ ମୁଁ

    ସଙ୍ଗୀତ ଯେ ଗାଇ ଗାଇ 

ସମ୍ବେ ଦନାର ସନ୍ତକ ସହ 

    ସନ୍ତୋଷ ଭାବ ନେଇ ।

ଚାଲିଛି ଚାଲୁଛି ଆଗେଇ ଚାଲିବି 

    ଥକି ନାହିଁ ଥକିବିନି 

ଜୀବନ ସମରେ ସେନାପତି ହୋଇ 

    ହାରିବିନି ହାରିବିନି ।

ରାଉରକେଲା