ସକାଳର ଜଣାଣ
ଆନନ୍ଦରେ ଭରା
ବିଜୟ କୁମାର ଜେନା
ମୁକ୍ତ ଆକାଶକୁ ଥରେ ଦେଖି ନିଅ
ଚଢ଼େଇ ଗାଉଛି ଗୀତ
ପାହାଡି ଝରଣା କୁଳୁ କୁଳୁ ହୋଇ
ଗାଏ ସୁନ୍ଦର ସଙ୍ଗୀତ।
ମଣିଷ ଜୀବନ ସଙ୍ଗୀତରେ ଗଢା
ଆନନ୍ଦ ବିଷାଦ ମିଶା
ପରମ ଇଶ୍ଵର କୃପା କରିଛନ୍ତି
ଦେଇଛନ୍ତି ରାଗ ରୁଷା।
କେହି ଜଣେ ଖାଲି ସୁଖରେ ବଞ୍ଚିନି
ଦୁଃଖ ଆସେ ବେଳେ ବେଳେ
ଜୀବନ ପାଇଁକି ଉଭୟ ଯେ ଲୋଡା
ସ୍ଥିର ନୁହେଁ ରସା ତଳେ।
କାହିଁକି ଭାବିବା ମଣିଷ ଜୀବନ
ନିରାଶର ଖାଲି ବାଲି
ଜୀବନ ଜିଇଁଲେ ଆନନ୍ଦ ଭାରଇ
ଇଶ୍ଵର ଙ୍କ ଦାନ ବୋଲି।
ଜନ୍ମ ନେଇ ଅଛୁ ତାଙ୍କରି ପାଇଁକି
ତାଙ୍କ ଚିନ୍ତା କାମ ପାଇଁ
କାମ ସରି ଗଲେ ନିଅନ୍ତି ପାଖକୁ
କାଳିଆ ଜଗତ ସାଇଁ।
ଯେତିକି ସମୟ ବଞ୍ଚିବା ମହୀରେ
ଆନନ୍ଦରେ କାଟି ଦିନ
ମଣିଷ ଜୀବନ ହେବ ରସାଣିତ
ଏକଥାକୁ ଦିଅ ଧ୍ୟାନ।
ଅବସର ପ୍ରାପ୍ତ ପ୍ରାଧ୍ୟାପକ
ଶାମୁକା ସାହି ରଣପୁର ନୟାଗଡ଼