ଜଣାଣ
ମାନଗୋବିନ୍ଦ ସ୍ବାଇଁ
ଲକ୍ଷ୍ମୀ ମାଣବସା ଘରେ ହୁଏ ଓଷା
ପବିତ୍ର ମୋ ଘର ଦ୍ବାର
ଘୋଟିଚିତା ଲେଖି ଗୋମୟ ପାଣିରେ
ଖଟୁଲି ଉଭା ଠାକୁର।
ଧୂପ ଦୀପ ଦେଇ ଲକ୍ଷ୍ମୀ ପୂଜା ବିଧି
ପାଠ କରୁ ଲକ୍ଷ୍ମୀ ବାଣୀ
ଶୁଣିଲେ ସନ୍ତୋଷ ଘରକୁ ସାହସ
ଲକ୍ଷ୍ମୀ ମୋ ଠାକୁର ରାଣୀ।
ଲକ୍ଷ୍ମୀ ଥିଲେ ଘରେ ହସଖୁସି ମଜା
ଘର ଆମର ମନ୍ଦିର
ଖୁସି ଲାଗିଥାଏ ସଦା ସରବତା
ଭାବ ପ୍ରେମ ନିରନ୍ତର।
ଶସ୍ୟ ଉତ୍ପାଦନ ଖମାର ପୂରଣ
ଘରେ ଖୁସିରେ ଲହରୀ
ଆନନ୍ଦ ଲାଗୁଛି ଶାନ୍ତି ବି ଲାଗୁଛି
ଲକ୍ଷ୍ମୀ ପ୍ରତିମା ମୋର ଶ୍ରୀ।
ଲକ୍ଷ୍ମୀ ଥିଲେ ଘରେ ଅଭାବ ଯେ ନାହିଁ
ହସଖେଳ ପୁରି ଉଠେ
ଲକ୍ଷ୍ମୀ କୁ ମୋ ଭକ୍ତି ଲକ୍ଷ୍ମୀ ଦିଏ ଧନ
ଅଭାବ ମୋର ନଉଠେ।
ଗୋଜାବନ୍ଧ ମହାକାଳପଡ଼ା
କେନ୍ଦ୍ରାପଡ଼ା