ନୂଆପଡା/, ନୂଆପଡା ଜିଲ୍ଲା ଖଡ଼ିଆଳ ବ୍ଲକ ଅନ୍ତର୍ଗତ ଚଳାନପଡା ଗ୍ରାମରେ ପାରିବାରିକ କଲହକୁ ନେଇ ବିଭାହିତ ମହିଳା ମୃତ , ହତ୍ୟା ଅଭିଯୋଗ ଆଣିଲେ ବାପା , ଜ୍ୱାଇଁ ଅଟକ । ପୁଲିସ ସୂତ୍ରରୁ ପ୍ରକାଶ ଯେ ଯୁଧିଷ୍ଠିର ବାରିକ (୩୫) ଓ ସ୍ତ୍ରୀ ସସ୍ମିତା ବାରିକ (୨୭) (ଚଳାନ) ଙ୍କ ମଧ୍ୟରେ ବହୁତ ଦିନ ଧରି ପାରିବାରିକ ସମସ୍ୟାକୁ ନେଇ କଲହ ଲାଗି ରହିଥିଲା । ସୋମବାର ଦିନ ସନ୍ଧ୍ୟା ପାଞ୍ଚ ଘଣ୍ଟା ସମୟରେ ସସ୍ମିତାଙ୍କ ମୃତ୍ୟୁ ହୋଇ ଯାଇଥିଲା ହେଲେ ଜ୍ୱାଇଁ ମୃତ ଶରୀରକୁ ଖଡ଼ିଆଳ ମିଶନ ହସ୍ପିଟାଲକୁ ଆଣିଥିଲେ ହେଲେ ଡାକ୍ତର ପୂର୍ବରୁ ମୃତ୍ୟୁ ହୋଇଥିବା ଘୋଷଣା କରିଥିଲେ । ଝିଅ ମୃତ୍ୟୁ ହୋଇଥିବା ଖବର ପାଇବା ପରେ ବାପା କେଶବ ଚଳାନ କାଶୀପଳା ଗ୍ରାମର ଖଡ଼ିଆଳ ଥାନାରେ ତାଙ୍କ ଝିଅ ସସ୍ମିତାକୁ ଜ୍ୱାଇଁ ଯୁଧିଷ୍ଠିର ବାରିକ ହତ୍ୟା କରିଥିବା ଅଭିଯୋଗ କରିଥିଲେ । ମିଶନ ହସ୍ପିଟାଲରୁ ପୁଲିସ ଶବ ଜବତ କରି ଅଭିଯୋଗକୁ ଭିତି କରି ୫୦୫/୨୨ ଏକ ମାମଲା ରୁଜୁ କରି ହତ୍ୟା ଘଟଣାର ତଦନ୍ତ କରୁଥିବା ବେଳେ ମଙ୍ଗଳବାର ବଲାଙ୍ଗିରରୁ ବୈଜ୍ଞାନିକ ଦଳ ଆସି ତଦନ୍ତ କରିଥିବା ଜଣାପଡ଼ିଛି । ଜ୍ୱାଇଁ ଯୁଧିଷ୍ଠିର ବାରିକଙ୍କୁ ପୁଲିସ ଅଟକ ରଖିଛି । ଯୁଧିଷ୍ଠିର ଓ ସସ୍ମିତାଙ୍କ ବିଭାହ ୨୦୧୧ ମସିହାରେ ହୋଇ ଥିବାବେଳେ ସେମାନଙ୍କ ଗୋଟିଏ ଏଗାର ବର୍ଷର ପୁଅ ଥିବା ଜଣା ପଡ଼ିଛି । ବୈଜ୍ଞାନିକ ଦଳର ତଦନ୍ତ ରିପୋର୍ଟ ଓ ବ୍ୟବଚ୍ଛେଦ ରିପୋର୍ଟ ଆସିଲା ପରେ ପ୍ରକୃତ ଘଟଣା ଜଣା ପଡିବ ବୋଲି ତଦନ୍ତ ଅଧିକାରୀ ତାରାକାନ୍ତ ବିଶ୍ୱାଳ ପ୍ରକାଶ କରିଛନ୍ତି ।
ନୂଆପଡା ରୁ ସୁଜିତ କୁମାର ପ୍ରଧାନ ଙ୍କ ରିପୋର୍ଟ