ଜଣାଣ

ମାନଗୋବିନ୍ଦ ସ୍ବାଇଁ

ଆଉ କେତେ ଦିନ ଭାବ ଲଗାଇବ

    ଚନ୍ଦନ ତୂଳସୀ ଦେଇ

ଆଶା ମୋ ପୂରଣ କରିବ ନିଶ୍ଚିତ

    ସେତେ ଦିନ ଥିବି ଚାହିଁ।

ଆଶାକୁ ପୂରଣ ବଞ୍ଚିବ ଜୀବନ

    ଭାବ ରଖି ତୁମ ପାଦେ

ସବୁ ଦିନ ଧରି ନାମ ଜପୁ ଥିବି

   ଗାଉଥିବି ପଦଛନ୍ଦେ। 

ପଦରେ ଆନନ୍ଦ ଆହେ ଭକ୍ତ ବୃନ୍ଦ

    ନିତି କର ନାମଜପ

ଭଜିଲେ ପାଇବୁ ନଭଜିଲେ ନାହିଁ

    ଛାଡି ଯିବ ତୋର ପାପ।

ଅକ୍ଷର ବ୍ରହ୍ମରେ ସବୁ ରହିଅଛି 

          କର ତା ଅନୁସନ୍ଧାନ

ପାଇଯିବୁ ଆପେ ବ୍ରହ୍ମ ବିଦ୍ୟା ସବୁ

       ସେହି ତୋର ଭଗବାନ ।

ହରିରାମ ମନ୍ତ୍ର ଶ୍ରେଷ୍ଠ ମନ୍ତ୍ର ଜପ

     ଜୀବଥିବା ଯାଏ ଗାଇ

ବୋଲ ରାଧେରାଧେ ତୁଣ୍ଡରେ ଧରିଲେ

     ସଂସାର ତରିବା ତହିଁ।

ଗୋଜାବନ୍ଧ ମହାକାଳପଡ଼ା

କେନ୍ଦ୍ରାପଡ଼ା