ବିନା ସୁଚନା ଫଳକରେ କାର୍ଯ୍ୟ ଆରମ୍ଭ
ରାଇଘର ୭:୧୨:୨୨- ନବରଙ୍ଗପୁର ଜିଲ୍ଲା ରାଇଘର ବ୍ଲକରେ ମନରେଗା ଯୋଜନାରେ ମହା ଦୁର୍ନୀତି l ବ୍ଲକରେ ଖୁଲମ୍ ଖୁଲା ଚାଲିଛି ମେସିନ୍ ଦ୍ବାରା କାର୍ଯ୍ୟ l ୨୬ ଗୋଟି ପଞ୍ଚାୟତରେ ଗତ ଆର୍ଥିକ ବର୍ଷରେ ଯେଉଁ ଭଳି ମେସିନ୍ ଦ୍ବାରା କାର୍ଯ୍ୟ ହୋଇ କୋଟି କୋଟି ଟଙ୍କା ଶ୍ରମିକ କାର୍ଯ୍ୟ କରିଥିବା ନେଇ ଉଠାଣ ହୋଇଥିବା ବେଳେ ଆଜି ସଂପୃକ୍ତ କାର୍ଯ୍ୟର ରାସ୍ତା ଘାଟ ଠାରୁ ଆରମ୍ଭ କରି ନାନା ପୋଖରୀ ଉନ୍ନତି କରଣ କାର୍ଯ୍ୟ ଠପ୍ ହୋଇ ପଡିଛି ଫଳରେ ମନରେଗା ଯୋଜନାରେ ଯେଉଁ ଦୁର୍ନୀତି ହୋଇଛି 
ଉକ୍ତ ଘଟଣାର ଭିଜିଲାନ୍ସ ତଦନ୍ତ ହେଉ ବୋଲି ସବୁ ମହଲରେ ଦାବୀ ହେଉଥିବା ବେଳେ ବର୍ତ୍ତମାନ ପୁଣି ମେସିନ ଦ୍ବାରା କାର୍ଯ୍ୟ ହେଉଥିବା ଦେଖିବାକୁ ମିଳିଛି ରାଇଘର ବ୍ଲକ ପାରୁଆ ପଞ୍ଚାୟତ ଅନ୍ତର୍ଗତ ରାଣିପଦର୍ ଗ୍ରାମରେ l କାର୍ଯ୍ୟ ସ୍ଥଳରେ ସୂଚନା ଫଳକ ନ ଥିବା ଯୋଗୁଁ ଏହା କେଉ ବିଭାଗ ଦ୍ବାରା ନିର୍ମାଣ ହେଉଛି ଜଣାପଡୁ ନାହିଁ lରାଇଘର ବ୍ଲକର ୨୬ ଗୋଟି ପଞ୍ଚାୟତରେ ମନରେଗା ଯୋଜନାରେ ବିଭିନ୍ନ ଫାଇଲ୍ ଖୋଲା ଯାଇ କାର୍ଯ୍ୟ ଆରମ୍ଭ ହୋଇଥିଲା l ଗତ ଆର୍ଥିକ ବର୍ଷରେ ହୋଇଥିବା ଚେକ୍ ଡ୍ୟାମ,ନୂତନ ପୋଖରୀ ଖନନ,ପୋଖରୀ ଉନ୍ନତି କରଣ,ନୂତନ ରାସ୍ତା ନିର୍ମାଣ,ରାସ୍ତା ଉନ୍ନତି କରଣ,ଜମି ମରାମତି ଭଳି ଅନେକ ଫାଇଲ୍ ମନରେଗା ଯୋଜନାରେ କାର୍ଯ୍ୟ ଆରମ୍ଭ ହୋଇଥିଲା l ବର୍ତମାନ ଉକ୍ତ କାର୍ଯ୍ୟର କିଭଳି ରହିଛି ସ୍ଥିତି କେଉଁ ଭଳି ଭାବେ ମହା ଘଟଲା ହୋଇଛି ଗୋଟି ଗୋଟି କରି ତଦନ୍ତ କରିବା ଆବଶ୍ୟକତା ରହିଛି l
ମେସିନ୍ କାର୍ଯ୍ୟ କରି ଶ୍ରମିକଙ୍କ ଖାତାରେ ଟଙ୍କା ଜମା କରି ଅର୍ଥ ଲୋଭନୀୟ ଦେଖାଇ ଉଠାଣ କରିଥିବା ବେଳେ କିଛି ସ୍ଥାନରେ ଅଳ୍ପ କାର୍ଯ୍ୟ କରି ଅଧିକ ଅର୍ଥ ଉଠାଣ ହୋଇଛି l ତେବେ ଅଧିକାଂଶ ସ୍ଥାନରେ ଖୁଲମ୍ ଖୁଲା ମେସିନ୍ ଦ୍ବାରା କାର୍ଯ୍ୟ ପରବର୍ତି ସମୟରେ ପ୍ରସାଶନିକ ସ୍ତରରେ ଅଭିଯୋଗ ପରେ ମଧ୍ୟ ତଦନ୍ତ ନ ହେବା ଚର୍ଚ୍ଚାର ବିଷୟ ପାଲଟିଛି l ମନରେଗା ଯୋଜନାରେ ରାଇଘର ବ୍ଲକରେ ମହା ଦୁର୍ନୀତି ହୋଇଥିବା ନେଇ ଅଭିଯୋଗ ହେଉଥିବା ବେଳେ ଭିଜିଲାନ୍ସ ତଦନ୍ତ ଆବଶ୍ୟକତା ରହିଛି l ବିଭାଗୀୟ ଅଧିକାରୀ ଓ ଠିକାଦାରଙ୍କ ମଧୁ ଚନ୍ଦ୍ରିକା ଯୋଗୁଁ ଏଠାରେ ମହା ଦୁର୍ନୀତି ଅଭିଯୋଗ ହୋଇଛି l ବିଶେଷ କରି ରାଇଘର ବ୍ଲକର ଟିମନପୁର ଓ ମୁଣ୍ଡିବେଡା ପଞ୍ଚାୟତ ଠାରେ ମନରେଗା ଯୋଜନା ର ଲମ୍ବା ଅଭିଯୋଗ ରହିଛି l ଦୁର୍ଗମ ଅଞ୍ଚଳ ବୋଲି ତଦାରଖ ଅଭାବରୁ ସମସ୍ୟା ଦେଖା ଦେଇଛି ଜିଲ୍ଲା ପ୍ରଶାସନ ଏଥି ପ୍ରତି ସ୍ଵତନ୍ତ୍ର ଦୃଷ୍ଟି ଦେବାକୁ ଦାବୀ ହୋଇଛି l
ରାଇଘର ରୁ କିରଣ କୁମାର ପଟ୍ଟନାୟକ ଙ୍କ ରିପୋର୍ଟ୍
