ଭିଜିଲାନସ ଜାଲରେ କୋମନା ବନ ବିଭାଗର ଫରେଷ୍ଟର ଘନଶ୍ୟାମ ଶବର । ଭିଜିଲାନ୍ସ ବିଭାଗ ଚଢାଉ କରି ତାଙ୍କଠାରୁ ନଗଦ ୧୩ ଲକ୍ଷ୍ୟ ୮୫ ଜବତ କରିଛି । ଆଜି ସନ୍ଧ୍ୟାରେ ଘନଶ୍ୟାମ ଶବର କୋମନାରୁ ଏକ ବାଇକ ଯୋଗେ ୩୫୩ ଜାତୀୟ ରାଜପଥ ଦେଇ ଖଡିଆଳ ଅଭିମୁଖେ ଆସୁଥିବା ବେଳେ ନୂଆପଡା ଭିଜିଲାନ୍ସ ବିଭାଗ ପକ୍ଷରୁ ଚଢାଉ କରି ୫ ଲକ୍ଷ୍ୟ ୫ ହଜାର ଟଙ୍କା ଜବତ କରିଛି । ପରେ କୋମନା ବନ ବିଭାଗ ଅଫିସ ସ୍ଥିତ ଡ୍ରୟରରୁ ୮୦ ହଜାର ଟଙ୍କା ଓ ସରକାରୀ ବାସଭବନରେ ଚଢ଼ାଉ କରି ୮ ଲକ୍ଷ୍ୟ ଟଙ୍କା ସର୍ବମୋଟରେ ୧୩ ଲକ୍ଷ୍ୟ ୮୫ ହଜାର ଟଙ୍କା ଜବତ କରିଛି ଭିଜିଲାନ୍ସ ବିଭାଗ। ତେବେ ଏତେ ପରିମାଣର ଟଙ୍କା ଫରେଷ୍ଟର ଘନଶ୍ୟାମଙ୍କ ନିକଟରେ କେଉଁଠୁ ଆସିଲା ସେନେଇ ଭିଜିଲାନ୍ସ ବିଭାଗ ପକ୍ଷରୁ ପଚରା ଉଚୁରା ଜାରି ରଖିଛି। ଏପରିକି ଫରେଷ୍ଟର ଘନଶ୍ୟାମଙ୍କ ପୈତୃକ ଗାଁ ବରଗାଁରେଥିବା ଘର ଓ ଖଡିଆଳ ସ୍ଥିତ ବାସଭବନରେ ମଧ୍ୟ ଭିଜିଲାନ୍ସ ବିଭାଗ ପକ୍ଷରୁ ଚଢ଼ାଉ କରାଯାଇଛି ।
ନୂଆପଡା ରୁ ସୁଜିତ କୁମାର ପ୍ରଧାନ ଙ୍କ ରିପୋର୍ଟ
