ମ.ରାମପୁର,୦୮/୧୨( ମସିହା): କଳାହାଣ୍ଡି ଜିଲ୍ଲାର ମ.ରାମପୁର ବ୍ଲକ ଡ଼ମ କର୍ଲ୍ଲାଖୁଣ୍ଟା ଓ ମlଣିକେରା ପଞ୍ଚାୟତ ଅଞ୍ଚଳରେ କିଛି ଦିନ ହେଲା ଜଙ୍ଗଲି ହାତୀଙ୍କ ଉପଦ୍ରବ ଦେଖିବାକୁ ମିଳିଛି l ଗତ ରାତି ରେ ୮ ରୁ ୧୦ ସଂଖ୍ୟା ଥିବା ହାତୀ ପଲ ରାତି ସାରା ପାଚିଲା ଧାନ ସବୁ ଖାଇ ସଂପୂଣ୍ଣ ନଷ୍ଟ କରିଦେଇଛନ୍ତି । ଡ଼ମ କର୍ଲ୍ଲାଖୁଣ୍ଟା ଗ୍ରାମ ର ସତ୍ୟବାନ୍ ଧାରୁଆ, ତୋଫାନ ଭୋଇ, ନିଳାନ୍ଦ୍ରି ଭୋଇଙ୍କର ଜମିର ପାଚିଲା ଧାନ ଖାଇବା ସହ କଟା ହୋଇ ପଡ଼ିଥିବା ଧାନ ପେଟା ସବୁ ହାତୀ ଦଳାଚକଟା କରି ଖାଇ ଦେଇଛନ୍ତି l ପୁଣି ସେହି ରାତି ମାଣିକେରା ଗ୍ରାମ ପଞ୍ଚାୟତ ଅନ୍ତର୍ଗତ ଅରସକୁପା ଗ୍ରାମର ଚାଷୀ ସୁନ୍ଦର୍ ମାଝୀ ,ମୁକ୍ତ ମାଝୀଙ୍କ ଜମିର ସବୁ ଧାନ ହାତୀ ମାନେ ଖାଇ ଦେଇଛନ୍ତି। ଅଞ୍ଚଳ ର ଚାଷୀମାନେ ବର୍ତ୍ତମାନ ଘୋର ଚିନ୍ତାରେ ରହିଛନ୍ତି l ଋଣ କରଜ କରି ଧାନ ଚାଷ କରିଥିବା ଚାଷୀ ଏବେ କିପରି ଋଣ ପରିଶୋଧ କରି ପାରିବ କି ନିଜ ପେଟକୁ ଖାଇବାକୁ ମୁଠେ ପାଇବ ସେହି ଚିନ୍ତା ତାକୁ ଘାରିଛି l ହାତୀ ଉପଦ୍ରବ ଦିନକୁଦିନ ଅଞ୍ଚଳ ରେ ବଢ଼ିବାରେ ଲାଗିଛି l ମ,ରାମପୁର ବନ ବିଭାଗ ଏହାର ତୁରଂତ ପଦକ୍ଷେପ ନେଇ ଉପଯୁକ୍ତ କ୍ଷତି ପୂରଣ ଦେବା ପାଇଁ କ୍ଷତିଗସ୍ତ ଚାଷୀ ଦାବି କରିଛନ୍ତି l