ତଦାରଖ ଅଭାବରୁ ନିମ୍ନ ମାନର କାର୍ଯ୍ୟ
ରାଇଘର ୦୮:୧୨:୨୨- ନବରଙ୍ଗପୁର ଜିଲ୍ଲା ରାଇଘର ବ୍ଲକର ଗଞ୍ଜାପାରା ପଞ୍ଚାୟତର ମଶାଣି ପଦା ନିକଟରେ ଏକ ବିରାଟ ଗୃହ ନିର୍ମାଣ କାର୍ଯ୍ୟ ଜାରୀ ରହିଛି l ଘଟଣା ସ୍ଥଳରେ କୌଣସି ପ୍ରକାର ସୂଚନା ଫଳକ ନ ଥିବା ଯୋଗୁଁ କାର୍ଯ୍ୟ ସମ୍ପର୍କରେ ସ୍ଥାନୀୟ ଅଞ୍ଚଳବାସୀ ଅବଗତ ହୋଇ ପାରି ନାହାନ୍ତି l କେଉ ବିଭାଗ କେତେ ଟଙ୍କା ବ୍ୟୟରେ ଉକ୍ତ ଗୃହ ନିର୍ମାଣ ଚାଲିଛି ସମସ୍ତେ ଅଜ୍ଞ ଥିବା ବେଳେ ବର୍ତମାନ କାର୍ଯ୍ୟ ସ୍ଥଳରେ ଯେଉ କାର୍ଯ୍ୟ ଆରମ୍ଭ ହୋଇଛି ଘଟଣା ସ୍ଥଳରେ କୌଣସି ଅଧିକାରୀଙ୍କ ଉପସ୍ଥିତି ଦେଖିବାକୁ ମିଳି ନାହିଁ l ଯାହା ଫଳରେ ସାମଗ୍ରୀ କେତେ ପରିମାଣର ମିଶୁଛି ଜଣାପଡୁ ନାହିଁ l ଶ୍ରମିକ ମିସ୍ତ୍ରୀ ସହ ଠିକାଦାରଙ୍କ ମେଟଙ୍କ ଉପସ୍ଥିତିରେ କାର୍ଯ୍ୟ ଜାରୀ ରହୁଥିବା ବେଳେ ନିମ୍ନ ମାନର ସାମଗ୍ରୀ ଲଗାଇବା ମଧ୍ୟ ଆଶଙ୍କା ରହିଛି l ବର୍ତ୍ତମାନ ଉକ୍ତ ଗୃହର ରୋଡ ବନ୍ଧା ସହ ତଳର ମୁଖ୍ୟ କାର୍ଯ୍ୟ ହେଉଥିବା ସମୟରେ ବଡ଼ ବଡ ମେଟାଲ ଜଡ଼ିତରେ କାର୍ଯ୍ୟ ହେଉଛି l ସଂପୃକ୍ତ କାର୍ଯ୍ୟ ମଧ୍ୟରେ କିଛି ପୁରୁଣା ପଥର ମେଟାଲ ପଡ଼ିଥିବା ଦେଖିବାକୁ ମିଳିଛି l ତଳର ମୁଖ୍ୟ କାର୍ଯ୍ୟ ଚାଲୁଥିବା ସମୟରେ ବିଭାଗୀୟ ଅଧିକାରୀ ଅନୁପସ୍ଥିତ ରହିବା କାର୍ଯ୍ୟର ସ୍ୱଚ୍ଛତା ଉପରେ ନାନା ଚର୍ଚ୍ଚା ହେଉଛି l କେଉ କାର୍ଯ୍ୟ କେଉ ବିଭାଗ ଦ୍ବାରା କାର୍ଯ୍ୟ ହେଉଥିବା ଜାଣିବା ନିମନ୍ତେ ଗଞ୍ଜାପାରା ସରପଞ୍ଚଙ୍କୁ ପଚାରିବାରୁ ରାଜସ୍ବ କାର୍ଯ୍ୟାଳୟ ନିର୍ମାଣ ହେଉଛି କିନ୍ତୁ କେଉ ବିଭାଗ କେତେ ଟଙ୍କା ବ୍ୟୟରେ ହେଉଛି ମୋ ପାଖରେ ମଧ୍ୟ ସୂଚନା ନାହି ବୋଲି କହିଥିଲେ l ତେବେ ପଞ୍ଚାୟତ ର ମୁଖ୍ୟ ସରପଞ୍ଚଙ୍କ ଅଜାଣତରେ କାର୍ଯ୍ୟ ହେଉଥିବା ବେଳେ ସମସ୍ତ ସୂଚନା ଦେଇ କାର୍ଯ୍ୟ ଆରମ୍ଭ କରିବା କଥା କିନ୍ତୁ ଏଠାରେ ଖୁଲମ୍ ଖୁଲା ସ୍ଥାନୀୟ ଲୋକ ପ୍ରତିନିଧି ମାନଙ୍କୁ ଅଜାଣତରେ କାର୍ଯ୍ୟ କରୁଛନ୍ତି l ତେବେ ଏ ସମ୍ପର୍କରେ ସୂଚନା ନେବା ପରେ ଜଣାପଡ଼ିଛି ଗ୍ରାମ୍ୟ ଉନ୍ନୟନ ବିଭାଗ ପକ୍ଷରୁ ରାଜସ୍ବ କାର୍ଯ୍ୟାଳୟ ଗୃହ ନିର୍ମାଣ ହେଉଥିବା ଜଣାପଡିଛି l ତେବେ ଗ୍ରାମ୍ୟ ଉନ୍ନୟନ ବିଭାଗ ପକ୍ଷରୁ କାର୍ଯ୍ୟ ହେଉଥିଲେ ମଧ୍ୟ ବିଭାଗୀୟ ଅଧିକାରୀ କାର୍ଯ୍ୟର ତଦାରଖ ନ କରିବା ଉପରେ ଜିଲ୍ଲା ପ୍ରଶାସନ ଏଥି ପ୍ରତି ସ୍ଵତନ୍ତ୍ର ଦୃଷ୍ଟି ଦେବା ଆବଶ୍ୟକତା ରହିଛି l ସ୍ଥାନୀୟ ଲୋକ ପ୍ରତିନିଧି ସରପଞ୍ଚ ସମିତି ସଭ୍ୟ ମାନଙ୍କୁ ସୂଚନା ଦେଇ କାର୍ଯ୍ୟ କରିବା କଥା କିନ୍ତୁ ଯେଉ ଭଳି ସୂଚନା ନ ଦେଇ କାର୍ଯ୍ୟ କରିଛନ୍ତି ଲୋକ ପ୍ରତିନିଧି ମାନଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି l ଜିଲ୍ଲା ପ୍ରଶାସନ ଏଥି ପ୍ରତି ସ୍ଵତନ୍ତ୍ର ଦୃଷ୍ଟି ଦେବାକୁ ଦାବୀ ହୋଇଛି l
ରାଇଘର ରୁ କିରଣ କୁମାର ପଟ୍ଟନାୟକ ଙ୍କ ରିପୋର୍ଟ୍
