ରୁପ୍ରା, ୧୧/୧୨ (ମନିସ ) : ନର୍ଲାବ୍ଲକ୍ ଅଧିନ ମାଣ୍ଡେଲ ଉପର ପଡା ଠାରେ ତିନିଦିନ ଧରି ଭାଗବତ ପ୍ରବଚନ ଓ କବିତା ଆସର ଅନୁଷ୍ଠିତ ହୋଇଯାଇଛି। ଏହି ଅବସରରେ ଅନୁଷ୍ଠିତ ଉକ୍ତ କାର୍ଯ୍ୟକ୍ରମରେ ନର୍ଲା ଡିଗ୍ରୀ କଲେଜ୍ ର ଅଧ୍ୟାପିକା ବାସନ୍ତୀ ସାହୁ ମୁଖ୍ୟ ଅତିଥି ଭାବରେ ଯୋଗଦାନ କରିଥିବା ବେଳେ ସମ୍ମାନିତ ଅତିଥି ଭାବରେ ପଦ୍ମନାଭ ସାହୁ ପ୍ରମୁଖ ଯୋଗଦାନ କରିଥିଲେ। ସେହିପରି ଦ୍ବିତୀୟ ଦିବସରେ ମଧୁସୂଦନ ରାଉତ ଓ ତୃତୀୟ ଦିବସରେ ମାଣ୍ଡେଲ ସରପଞ୍ଚ ପଦ୍ମଲୋଚନ ଜାଲ୍ ପ୍ରମୁଖ ଯୋଗଦାନ କରିଥିଲେ। ପ୍ରବଚିକା ସୁଶ୍ରୀ ଶୈଳବାଳା ହରିକଥା ସଂସ୍ଥାନ ଓ ବୃନ୍ଦାବନ ପ୍ରଶିକ୍ଷିକା ପ୍ରବଚନ ଦେଇଥିଲେ। 
ଏହି ଅବସରରେ ଅନୁଷ୍ଠିତ ସାହିତ୍ୟ ଆସର କାର୍ଯ୍ୟକ୍ରମରେ ଗୋପବନ୍ଧୁ ସାହିତ୍ୟ ଅନୁଷ୍ଠାନ ନର୍ଲା ର ସଭାପତି ମେଦିନୀଧର ଜାନୀ ଓ ସମ୍ପାଦକ ମଧୁସୂଦନ ରାଉତଙ୍କ ପ୍ରତ୍ୟକ୍ଷ ତତ୍ତ୍ବାବଧାନରେ ଅନୁଷ୍ଠିତ ହୋଇଥିଲା। ଅଞ୍ଚଳର କବି ଅରୁଣ ପ୍ରଧାନୀ, ପିତାମ୍ବର ଗୌଡ, ଜୟ ବିଭାର, ଶରତ ଭୋଇ, ବାସନ୍ତୀ ସାହୁ, କ୍ଷୀତିଶ ମାଝୀ ଓ ନରୋତ୍ତମ କରୁଆଁ ପ୍ରମୁଖ ଯୋଗଦାନ କରି ସ୍ବରଚିତ କବିତା ପାଠ କରିଥିଲେ। ମଞ୍ଚ ଶିକ୍ଷକ ଶରତ ଭୋଇ ପରିଚାଳନା କରିଥିଲେ।
ରୁପ୍ରା ରୁ ପ୍ରଦୀପ ସେନାପତି ଙ୍କ ରିପୋର୍ଟ
