ପ୍ରଗତିଶୀଳ ମସିହା, ନିର୍ଭୀକ I ନିର୍ଭୟ I ନିରପେକ୍ଷ
Uncategorized

ଉପେନ୍ଦ୍ର କୁମାର ବସ୍ତିଆ ଙ୍କ କବିତା ଭୁଲି ପାରୁନି

 ଭୁଲି ପାରୁନି

  ଉପେନ୍ଦ୍ର କୁମାର ବସ୍ତିଆ

    
ମୋ ହୃଦୟେ ତୁମେ ଫୁଟୁଥିଲ ଦିନେ 
    ଗୋଲାପ ପାଖୁଡା ହୋଇ 
କେଉଁ ପ୍ରଜାପତି ଇସରା କରିଲା 
    ଭ୍ରମିଲ କାହାରେ ଯାଇଁ ।।
କେତେ ଦିନରାତି ଯାଇଅଛି ବିତି
    ଅତୀତକୁ ଭାବି ଭାବି 
ଯେତେ ବୁଝାଇଲେ ଅବୁଝା ମନଟା 
    ପାଲଟଇ ଅସ୍ତ ରବି ।।
ତୁମର ସେ କଥା ମନ ଭୁଲା ଗାଥା 
    ଦେଇଛି କେତେ ସପନ 
ସେ ଆଖି ଚମକେ ମଳୟ ମହକେ 
    ହଜେଇ ଦିଏ ମୋ ମନ।।
କେବେହେଲେ ତୁମେ ଭାବିନାଂହ ମନେ
     କିପରି କାଟୁଛି ଦିନ 
ମନ କଷ୍ଟ ଦେଇ ଛପିଗଲ କାହିଁ 
   ଛଟପଟ ହୁଏ ପ୍ରାଣ ।।
ସୁଖର ଦୁଃଖର ସାଥୀ ହେବ ବୋଲି 
    କହିଥିଲ ତୁମେ ଦିନେ 
ଅନ୍ତର ଗହ୍ୱରୁ ପ୍ରଶ୍ନର ଉତ୍ତର 
    ଚାହେଁ ଶୁଣିବାକୁ ମନେ ।।

    ରାଉରକେଲା

Related posts

ମାଝୀଗୁଡାରେ କୁରାଲ ଦେବତାଙ୍କ ପୂଜା ଆରମ୍ଭ

Sunil Chandra Nayak

ବୁଡିଦର ମଣ୍ଡି ଉଦଘାଟିତ

Sunil Chandra Nayak

କୈଳାସ ଚନ୍ଦ୍ର ପାଢ଼ୀ ଙ୍କ କବିତା କାହାନ୍ତି ସେ ଗାନ୍ଧୀ ଗୋପବନ୍ଧୁ

Leave a Comment

error: Content is protected !!