-+- ଶୀତ –+-
ପ୍ରେମଲତା
ପହିଲି ଶୀତର ନହୁଲି ବୟସ
ଭଲଲାଗେ ଆଞୁଳାରେ
ଯେବେ କଇଁଫୁଲିଆ ଜହ୍ନ ରାତିଟା
ଖେଳେ ବଉଳବେଣୀରେ।
ଦେଖିବାକୁ ଭାରିଭଲ ଲାଗେ ସତେ
ଗହିରବିଲ ଆଖିରେ
ଯେବେ ଶିରିଶିରି ଶିଶିରର ମୁକ୍ତା
ଝରୁଥଏ ତଳିପାରେ ।
ଶୋରିଷ ଫୁଲର ଲହରୀ ଭିତରେ
ମନହଜିଖୋଜିଝୁରେ
ଯେବେମାର୍ଗଶୀର ଝୋଟିରପାଦରେ
ନିଦଭାଂଗିଯାଏଖୁସିରେ।
ଭାବିବାକୁ ଇଛାହୁଏ ସାତରଂଗ
ସକାଳ କୁହୁଡି ସାଥିରେ
ଯେବେଫୁଲଫୁଟିଯାନ୍ତି ପ୍ରିୟାପ୍ରୀତିରେ
ପୌଷଭରା କାଁଆଳରେ।
ଅଳସୀ ନିଦରେ ମଧୁଝରା ରାତି
ଗୋଲାପି ସ୍ୱପ୍ନ ତାତିରେ
ଯେବେଚିଠିଲେଖି ଠିକଣା ହଜାଏ
ମନେପଡେ ଚନ୍ଦ୍ରଭାଗାରେ।
ଶୀତ ମିତ ଋତୁ ଚହଟ ଚମ୍ପାରେ
ସେବତୀର ଲାଳିତ୍ୟ ରେ
ଯେବେ ମୋହନୀଲଗେଇ ଦେହରେ
ଛୁଁଇ ଦିଏ କାଲୁଆରେ।
ଜିଲ୍ଲା-କେନ୍ଦ୍ରାପଡା
