Uncategorizedବେଣୁଧର ସୂତାର ଙ୍କ କବିତା ଅମୃତର ସପନ by Sunil Chandra NayakDecember 13, 2022063 Share0 ଅମୃତର ସପନ ବେଣୁଧର ସୂତାର ବିଶ୍ୱାସ ନେତ୍ରରେ ବିଶ୍ବ ଲାଗେ ଭାରି ସୁନ୍ଦର ଏ ଜଗତ ମହାତୀର୍ଥ ପୁଣ୍ୟମୟ ମନ୍ଦିର । ଜୀବନର ପ୍ରତି କ୍ଷଣେ ଵିଶ୍ଵାସ ର ସ୍ପନ୍ଦନ ଶ୍ରଦ୍ଧା ସିନା ପୂଜା ଫୁଲ ଭକ୍ତି ବାସ ଚନ୍ଦନ । ମମତାର ଉପହାର ପ୍ରେମ ପ୍ରୀତି ସୁରଭି ଅମୃତର ଆବାହନୀ ଜୀବନର ପୂରବୀ । ହୃଦୟରେ ବିଶ୍ୱାସ ର ସୁଧାମୟ ସରଣୀ ଭାବ ଭକ୍ତି ନିର୍ବାଣ ର ପରିତୁଷ୍ଟ ତରଣୀ । ଅସରନ୍ତି କାମନାର ରାସ୍ତା ସିନା ବିଷମ ଆଶା ଆଉ ଅଭୀପ୍ସାର ଅନୁଚିନ୍ତା ଅସୀମ । ସମୟର ସୀମା ଲଙ୍ଘେ ପ୍ରଗଳ୍ଭ ଏ ବୟସ ନୂତନର ଆବାହନେ ଚେତନାର ପୀୟୂଷ । ସାଧନାର ପୁଣ୍ୟ ପୀଠ ନିଃସର୍ଗ ଏ ଜୀବନ ଜୀବନର ରଙ୍ଗମଞ୍ଚେ ଅମୃତର ସପନ । ଜୀବନରୁ ସପନର ଭୌଗଳିକ ଦୂରତା ସଂପର୍କର ସୁନାକ୍ଷେତ ମାଆ ମାଟି ମମତା । ମାତୃତ୍ବର ପୁଣ୍ୟଧାରା ସୌଭାଗ୍ୟର ସରଣି ସର୍ବସଂହା ଶାଶ୍ବତୀ ସେ ମମତାର ଧରଣୀ । କୃପାମୟୀ ସୁଧାଦାୟୀ ଅମୃତର ପସରା ଚିରକାଳ ପ୍ରାଣସତ୍ତା ତା ଆଶିଷ ଆସରା । ଓଁକାର ଝଙ୍କାରମୟୀ ଅମୃତର ସୃଜନୀ ନିଖଳ ଜୀବନ ଧାରା ସିଏ ଆଦି ଜନନୀ । ପ୍ରଣବ ସ୍ବରୂପା ସେତ ପ୍ରାଣ ପିଣ୍ଡ ଆଧାର ତାର ଅନୁକଂପା ଘେନି ସୃଷ୍ଟି ହୁଏ ସାକାର । କେଶଦୁରାପାଳ କେନ୍ଦୁଝର