l l l ପ୍ରସନ୍ନତା l l l
ସରୋଜିନୀ ପତି
ଚିତ୍ତ ପ୍ରସନ୍ନତା ଥିଲେ ସଜନୀ ଲୋ
ସବୁଠି ସଫଳ ହେବୁ ।
ମନର ବିଷାଦ ଥିଲେ ବାବୁ ତୋର
କର୍ମ ରେ ବିଫଳ ହେବୁ ।
ପରମ ଆନନ୍ଦେ ପରମା ନନ୍ଦ ଲୋ
ଅନ୍ତରରେ ଥିଲେ ତୋର
ସବୁ ମାୟା ବନ୍ଧ କାଟି ଦେଇ ସେତ
ଆନନ୍ଦ ବିହାର ତାର ।
ପ୍ରଭୁ ଶ୍ରୀକୃଷ୍ଣଙ୍କ ଗୀତା ଶାସ୍ତ୍ର ବଳେ
ସର୍ବ ଜ୍ଞାନ ଅଧିଶ୍ଵର ।
ଜୀବ ପରମଙ୍କ ମିଳନ୍ତି ସକଳ
ଭକ୍ତ ସଙ୍ଗେ ଏକାକାର। ।
ଚିତ୍ତ ରଞ୍ଜନ କୁ ଥରେ ଶୁଣି ଦେଲେ
ଚିତ୍ତ ହୁଅଇ ପ୍ରସନ୍ନ ।
ଭାବରେ ଭାବକୁ ଛୁଇଁ ଦେଲେ ତାକୁ
ସକଳ ହୁଅଇ ପୂର୍ଣ୍ଣ ।
ମାନବ ଜୀବନ ବହୁ ଭାବପୂର୍ଣ୍ଣ
ତାକୁ କେ ପାରିବ କଳି।
ସାଂସାରିକ ମାୟ ମୋହ ଜାଲେ ବନ୍ଧା
ସମସ୍ତେ ହୁଅନ୍ତି ଭାଳି।
ଜ୍ଞାନୀ ଗୁଣି ମାନ ବର୍ଦ୍ଧିତ ହୁଅନ୍ତି
ଚିତ୍ତ ପ୍ରସନ୍ନତା ତୋଳି ।
ବିଶାଳ ସମୁଦ୍ର ପତନଠାରୁ ସେ
ସଂସାର ର ଦୁଃଖ ଵଳି ।
ସମୟର ଚକ୍ର ଘୂରି ଵୁଲି ଚାଲେ
ଗତି କୁ ଆୟତ କରି ।
ଆସୁଛି ଉଝାଣୀ ବହୁଛି ଶ୍ରାବଣୀ
ତାଳମେଳ ଶବ୍ଦ ବାରି।
ସବୁ ସମସ୍ୟାର ସମାଧାନ ପାଇଁ
ଚିତ୍ତ ପ୍ରସନ୍ନତା ଭରି ।
ଉଦୟ କିରଣ ବିକିରଣ କରି
ଯୋଗମାୟା ବଳେ ହରି ।
ପତ୍ର, ପୁଷ୍ପ,ଫଳ ପ୍ରତ୍ୟକ୍ଷ ଭାବରେ
ମାନବ ଜୀବନ ବଳ ।
ଆନନ୍ଦ ଉଲ୍ଲାସେ ପ୍ରସନ୍ନତା ଚିତ୍ତେ
ଦୁଃଖ ନ ଛୁଅଇ କାଳ ।
ଆମ ଶିକ୍ଷା ପାଇଁ ଦେଖ ତାକୁ ଚାହିଁ
ମଳୟ ସମୀର ବାହୀ ।
ଦୁଃଖ ସୁଖ ଭରା ସମାନତା ଧାର
ବିଚଳିତ ହୋଇ ନାହିଁ।
ସରୋଜିନୀ ପତି
ରସୁଲପୁର, ଜିଲ୍ଲା-ଯାଜପୁର
