ବୌଦ୍ଧ – ୨୯|୧୨ – ( ହୃଦାନନ୍ଦ ମେହେର )- ବୌଦ୍ଧ ଜ଼ିଲ୍ଲା କଣ୍ଟାମାଳ ବ୍ଲକ୍ ଖଟ ଖଟିଆ ଗ୍ରାମ ଠାରେ ସପ୍ତମ ରାଜ୍ୟ ସ୍ତରୀୟ ନାଟକ ଓ ଲୋକ କଳା ମହୋତ୍ସବ ଉଷତ୍ ୨୦୨୨ ଉଦଘାଟିତ ହୋଇଯାଇଛି | ବୌଦ୍ଧ ଜିଲ୍ଲା ବ୍ଲକ୍ ଉପାଧକ୍ଷ ଶଙ୍କର୍ଷଣ ପ୍ରଧାନ ଓ ସମାଜସେବୀ ବିଜୀତ ପ୍ରଧାନ ଙ୍କ ଦ୍ଵାରା ଜଗନ୍ନାଥ୍ କଳା ମଣ୍ଡପ ରେ କାର୍ଯକ୍ରମର ଶୁଭାରମ୍ଭ ହୋଇଯାଇଛି | ଆଜି ଦିନ ୧୨ ଘଣ୍ଟା ସମୟରେ ଦୁଲ୍ ଦୁଲି, ନଚନିଆ,ଶବର ଶବରୁଣୀ, ଶୁଭ କଲାସୀ ଆଦି ବିଭିନ୍ନ ସାଂସ୍କୃତିକ ଅନୁଷ୍ଠାନ ନିଜ ନିଜ ପାରମ୍ପରିକ କଳା ପ୍ରତିଭା ଦେଖାଇ ଗ୍ରାମ ପରିକ୍ରମା କରିଥିଲେ | ସନ୍ଧ୍ୟା ରେ ମଞ୍ଚ ନାଟକ ବଲାଙ୍ଗୀର ଜିଲ୍ଲା ଓ ବରଗଡ ଜିଲ୍ଲା ର ଅନୁଷ୍ଠିତ ହେବାକୁ ଥିବା ବେଳେ ଲୋକ ଗୀତ ,ଲୋକ ସଙ୍ଗୀତ( ପାରମ୍ପରିକ) ଗୀତ ର ରଙ୍ଗା ରଙ୍ଗ କାର୍ଯକ୍ରମ ଅନୁଷ୍ଠିତ ହେବ ବୋଲି ମହୋତ୍ସବ କମିଟିର ସଂପାଦକ ରଂଜନ କୁମାର ପାତ୍ର ସୂଚନା ଦେଇଛନ୍ତି | ଏହି ଉତ୍ସବ ଡିସେମ୍ବର ୨୯ ଓ୩୦ ଦୁଇ ଦିନ ଧରି ଅନୁଷ୍ଠିତ ହେବାର କାର୍ଯ୍ୟକ୍ରମ ରହିଛି | ସନ୍ଧ୍ୟା ଅଧିବେଶନରେ ବିଧାୟକ ତଥା ଜିଲ୍ଲା ଯୋଜନା ବୋର୍ଡ ଅଧକ୍ଷ ମହିଧର ରଣା ଯୋଗ ଦେବା ର କାର୍ଯକ୍ରମ ରହିଛି |
