ଗତ ଡିସେମ୍ବର ୨୭ ତାରିଖରେ ଅନ୍ତର୍ଜାତୀୟ ଓଡ଼ିଆ ସାହିତ୍ୟ ସମାବେଶ ନେପାଳର କାଠମାଣ୍ଡୁଠାରେ ମାଟିଲଗ୍ନା ସାହିତ୍ୟ ସଂସଦ, ଓଡ଼ିଶା ଆନୁକୂଲ୍ୟରେ ଆୟୋଜିତ ହୋଇଥିଲା । ଉକ୍ତ ସମାବେଶରେ ମାଟିଲଗ୍ନା ସାହିତ୍ୟ ସଂସଦର ସଭାପତି ଶ୍ରୀଯୁକ୍ତ କିଶୋର ପ୍ରଧାନଙ୍କ ର ସଭାପତିତ୍ବରେ ବୈଦେଶିକ ସଂପର୍କ ପ୍ରମୁଖ ଶ୍ରୀଯୁକ୍ତ ସମୀର କୁମାର ମହାପାତ୍ରଙ୍କର ସହଯୋଗୀତାରେ ମୁଖ୍ଯ ଅତିଥି ଭାବେ ମାନନୀୟ ଉମେଶ ଘୋରାସନି-ଓ୍ବାଇସିଏଲ ନେପାଳ ସିଭିସି ଉପାଧ୍ୟକ୍ଷ, ଅନ୍ଯତମ ଅତିଥି ଭାବେ କେନ୍ଦ୍ରୀୟ ସଚୀବ ନେପାଲ ମାନନୀୟ ଅନିଲ ପାଶ୍ବାନ, ଶିବରାମ ଦଙ୍ଗାଲ,ମନିଷ କର୍ଣ୍ଣ ,ଈଶ୍ବର ଶ୍ରେଷ୍ଠ, ଅଜୟ ସାହା,ଅଜୟ ସାହୁ ଆଦି ମଞ୍ଚାସୀନ ଥିଲେ । ଅନୁଷ୍ଠାନର ସଂପାଦକ ଜୟନ୍ତ ମହାଲିକ, କୋଷାଧ୍ୟକ୍ଷ ମହାଦେବ ମାଡକାମୀ ସମେତ ଓଡିଶାରୁ ୩୨ ଜଣ ଏହି କାର୍ଯ୍ୟକ୍ରମରେ ଭାଗ ନେଇଥିଲେ ।ମ.ରାମପୁର ସରସ୍ଵତୀ ଶିଶୁ ବିଦ୍ୟାମନ୍ଦିରର ପ୍ରଧାନାଚାର୍ଯ୍ଯ ଶ୍ରୀଯୁକ୍ତ କିଶୋର ଚନ୍ଦ୍ର ତ୍ରିପାଠୀ ସଭା ପରିଚାଳନା ଓ ସଂଯୋଜନା କରିଥିଲେ । ତୁଳାପଡା +୨ ମହାବିଦ୍ୟାଳୟର ଅର୍ଥନୀତି ଅଧ୍ୟାପକ ଶ୍ରୀଯୁକ୍ତ ସମୀର କୁମାର ମହାପାତ୍ର ପରିଚୟ ଏବଂ ସ୍ବାଗତ ଭାଷଣ ପ୍ରଦାନ କରିଥିଲେ । ଉକ୍ତ ମଞ୍ଚରେ ଉଭୟଙ୍କୁ ମାନପତ୍ର ସହ ସ୍ମୃତିଚିହ୍ନ ଏବଂ ଉପଢୌକନ ପ୍ରଦାନ କରି ସମ୍ମାନିତ କରାଯାଇଥିଲା । ଓଡିଆ ଭାଷା,ସାହିତ୍ୟ ଓ ସଂସ୍କୃତିର ପ୍ରଚାର ପ୍ରସାର ଏହି କାର୍ଯ୍ୟକ୍ରମର ଲକ୍ଷ୍ଯ ଥିଲା ।ଶ୍ରୀମତୀ ମଞ୍ଜୁଲତା ଦାଶ ଏବଂ ଶ୍ରୀମତୀ ଶ୍ରଦ୍ଧାଞ୍ଜଳି ମହାପାତ୍ର ସମେତ କଳାହାଣ୍ଡିରୁ ଚାରିଜଣ ଯୋଗ ଦେଇ ସମ୍ବର୍ଦ୍ଧିତ ହୋଇ ଥିବାରୁ ଜିଲ୍ଲାବାସୀଙ୍କ ତରଫରୁ ଅଭିନନ୍ଦନ କରାଯାଇଛି ।