ନବରଙ୍ଗପୁର 2/1 – (ମସିହା) ଆଜି ଅପରାହ୍ନ 4 ଘଟିକା ସମୟରେ ଏକ ଧାନ ଗଦାରେ ନିଆଁ ଲାଗି ସମ୍ପୂର୍ଣ୍ଣ ପୋଡି ପାଉଁଶ ହୋଇଯାଇଛି | ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ପାପଡାହାଣ୍ଡି ବ୍ଲକ ଜଟାବାଲ୍ ପଞ୍ଚାୟତ ଅନ୍ତର୍ଗତ ସରାଗୁଡା ଗ୍ରାମରେ | ସରାଗୁଡା ଗ୍ରାମର ଖଗପତି ଭତରା ପିତା ଜଗ ଭତରା 3 ଏକର ଜମିରେ ଧାନ ଚାଷ କରି ତାଙ୍କ ଖଳାରେ ରଖିଥିଲେ | 
ଆଜି ଅପରାହ୍ନ କିଛି ଛୋଟ ପିଲାମାନେ ଖଳାରେ ଖେଳୁଥିଲେ , ଏହି ସମୟରେ ହଠାତ ତାଙ୍କ ଧାନ ଗଦା ରେ ନିଆଁ ଲାଗି ଯାଇଥିଲା | ଏହା ଦେଖି ପିଲାମାନେ ଖଗପତି ଙ୍କୁ ଖବର ଦେଇଥିଲେ | ଖଗପତିର ପାଟି ଶୁଣି ସାହି ପଡିସା ଲୋକେ ନିଆକୁ କାବୁ କରିବାକୁ ଚେଷ୍ଠା କରି ବିଫଳ ହୋଇଥିଲେ | ପରେ ଗାଁ ଲୋକେ ପାପଡାହାଣ୍ଡି ଦମକଳ ବାହିନୀ କୁ ଫୋନ କରିଥିଲେ | ଦମକଳ ବାହିନୀ ଆସି ଧାନ ଗଦାର ନିଆକୁ କାବୁ କରିଥିଲେ | ଖଗପତି ଧାର କରଜ କରି ଧାନ ଚାଷ କରିଥିଲେ , ବର୍ତମାନ ସେ କେମିତି ଧାର ସୁଝିବେ ବୋଲି ମୁଣ୍ଡରେ ହାତ ଦେଇ ବସିଛନ୍ତି | ଖଗପତି ଙ୍କ ଧାନ କୁ ଆକଳନ କରି ଜିଲ୍ଲା ପ୍ରଶାସନ କ୍ଷତି ପୂରଣ ଦେବାପାଇଁ ଚାଷୀ ମହଲରେ ଦାବି ହୋଇଛି |
ନବରଙ୍ଗପୁର ଜିଲ୍ଲାରୁ ରବି ନାରାୟଣ ମହାନ୍ତିଙ୍କ ରିପୋର୍ଟ ମସିହା ନିୟୁଜ୍
