ପାପଡାହାଣ୍ଡି,3/01 —- ନବରଙ୍ଗପୁର ଜିଲ୍ଲା ପାପଡାହାଣ୍ଡି ବ୍ଲକ ମଇଦଲପୁର ହାଟପଦା ଠାରେ ବିଜେଡିର ୨୬ ତମ ପ୍ରତିଷ୍ଠା ଦିବସ ପାଳନ କରାଯାଇଛି । ଆୟୋଜିତ କାର୍ଯ୍ୟକ୍ରମରେ ଡାବୁଗାଁ ନିର୍ବାଚନ ମଣ୍ଡଳୀର ଶତାଧିକ କର୍ମୀ ଯୋଗଦେଇଥିଲେ | ମୁଖ୍ୟ ଅତିଥି ନବରଙ୍ଗପୁର ସାଂସଦ ରମେଶ ଚନ୍ଦ୍ର ମାଝୀ ଯୋଗଦେଇ ଦଳ 1997 ଡିସେମ୍ବର ମାସ 26ତାରିଖରେ ପ୍ରତିଷ୍ଠା ହୋଇଥିଲା ତାହାକୁ ମନେ ପକାଇ ଆଜି ପ୍ରତିଷ୍ଠା ଦିବସ ପାଳନ କରୁଥିବା କହିଥଲେ | ମା ମାନଙ୍କ ଓ ଓଡିଶା ବାସୀଙ୍କ ଆର୍ଶୀବାଦ ଯୋଗୁଁ ଦଳ 26ବର୍ଷରେ ପହଂଚିଛି | ଆଗକୁ ଏପରି ଲୋକଙ୍କ ଆର୍ଶୀବାଦ ରହିଲେ ଦଳଶହେ ବର୍ଷରେ ପହଁଚିବ |
ରାଜ୍ୟ ବାସୀଙ୍କ ଲାଗି ସରକାର ବ୍ୟାପକ ଯୋଜନା କରିଛନ୍ତି ତାହାର ପରିଣାମ ସ୍ୱରୂପ ଦଳ ଆଗକୁ ବଢ଼ି ଚାଲିଛି ବୋଲି କହିଥିଲେ | ସମ୍ମାନନିୟ ଅତିଥି ଡାବୁଗାଁ ବିଧାୟକ ମନହର ରନ୍ଧାରୀ ପୂର୍ବରୁ ଲୋକ ବଞ୍ଚିବା ଲାଗି ସଂଘର୍ଷ କରୁଥିଲେ | ବର୍ତମାନ ମା ମାନଙ୍କୁ ନବୀନ ସରକାର ଆଗକୁ ଆଣିବାରୁ ସମସ୍ତେ ଶାନ୍ତିରେ ରହିଛନ୍ତି | ସରକାରଙ୍କ ଯୋଜନା ଘରେ ଘରେ ପହଁଚିଛି ଲୋକେ ଆଉ ସଂଘର୍ଷ କରୁନାହାନ୍ତି | ଆମେ ମାନେ ପିଲା ଦିନରୁ ବହୁ କଷ୍ଟରେ ବଢିଛୁ କିନ୍ତୁ ବର୍ତମାନ ନବୀନ ସରକାର ଜନ୍ମରୁ ଯୋଜନା କରି ସମସ୍ତଙ୍କ ପାଇଁ ପ୍ରଗତିର ବାଟ ଖୋଲି ଦେଇଥିବା କହିଥିଲେ | 
ଅନ୍ୟ ମାନଙ୍କ ମଧ୍ୟରେ ଜିଲ୍ଲା ପରିଷଦ ଅଧକ୍ଷ ମୋତିରାମ ନାୟକ,ବିଜେଡି ପର୍ଯ୍ୟବେକ୍ଷକ ଦେବାଶିଷ ପାତ୍ର ପ୍ରମୁଖ ଉପସ୍ଥିତ ରହିଥିଲେ । ଏହି ଅବସରରେ ପ୍ରଥମେ ମଇଦଲପୁର ମେଡିକାଲ ଛକ ଠାରୁ ଏକ ବିଶାଳ ଶୋଭାଯାତ୍ରାରେ ସମସ୍ତେ ବାହାରି ପଦ ଯାତ୍ରା କରି ହାଟପଦା ନିକଟରେ ପହଁଚି ଥିଲେ | ହାଟପଦା ନିକଟରେ ସଭାର ଆୟୋଜନ କରାଯାଇଥିଲା । ବିଜେଡି ନେତା ସ୍ୱାଧୀନ ପଟ୍ଟନାୟକଙ୍କ ସଭାପତିତ୍ୱ ରେ ଏହି ବିଜେଡି ପ୍ରତିଷ୍ଠା ଦିବସ ଆରମ୍ଭ କରାଯାଇଥିଲା । ଓଡ଼ିଶାରେ ବିଜେଡିର ଶାସନ ୨୫ ବର୍ଷ ହୋଇ ଥିବାରୁ ସମସ୍ତ ଅତିଥି ବୃନ୍ଦ ବିଜେଡି ସରକାରଙ୍କ ହୋଇଥିବା କାର୍ଯ୍ୟକୁ ଲୋକମାନଙ୍କୁ କହିଥିଲେ ।ସରକାରଙ୍କ ଉନ୍ନତି କାର୍ଯ୍ୟ ଓଡ଼ିଶାରେ କିପରି ଆଗେଇ ନେଇଛି ,ପୁଣି କଂଗ୍ରେସ ଓ ବିଜେପିରେ ଯେତେ ବି ଲୋକ ଅଛନ୍ତି ସମସ୍ତେ ବିଜେଡିରେ ସାମିଲ ହେବାକୁ ଜନତାଙ୍କୁ ସମସ୍ତ ନେତୃବୃନ୍ଦ ଆହ୍ବାନ ଦେଇଥିଲେ । ଅନ୍ୟ ଅତିଥି ମାନଙ୍କ ମଧ୍ୟରେ ଏସଡିସି ଭାନୁମୋତି ପୂଜାରୀ, ପାପଡାହାଣ୍ଡି ବ୍ଲକ ଅଧକ୍ଷା ହେମଲତା ମାଝୀ,ଉପାଧକ୍ଷ ସୁଶାନ୍ତ କୁମାର ବେହେରା,ଡାବୁଗାଁ ବ୍ଲକ ଅଧକ୍ଷା , କୋଷାଗୁମଡା ବ୍ଲକ ଅଧ୍ୟକ୍ଷ ଅଦକ୍ଷା ସହ ସରପଞ୍ଚ, ସମିତି ସଭ୍ୟା ସଭ୍ୟ ମାନେ ପ୍ରମୁଖ ଉପସ୍ଥିତ ଥିଲେ ।
ପାପଡାହାଣ୍ଡି ରୁ ସ୍ବପ୍ନଜିତ ପଟନାୟକ ଙ୍କ ରିପୋର୍ଟ
