ରାଉରକେଲା/ ସହରର ଜଣାଶୁଣା ଦୈନିକ ସମ୍ବାଦପତ୍ର ‘ ସଜାଗ’ର ସଂପାଦକ ତଥା ଜର୍ଣ୍ଣାଲିଷ୍ଟ ଆସୋସିଏସନ୍ର ସଦସ୍ୟ ସନ୍ତୋଷ କୁମାର ସ୍ବାଇଁଙ୍କ ପିତା ରାମଚନ୍ଦ୍ର ସ୍ବାଇଁଙ୍କ ୮୯ ବର୍ଷ ବୟସରେ ପରଲୋକ ହୋଇଯାଇଛି । ସେ ନିମୋନିଆ ରେ ପୀଡିତ ହୋଇ ଗତ ୧୩ଦିନ ଧରି ଆଇଜିଏଚ ରେ ଚିକିତ୍ସାଧୀନ ଥିଲେ। ଜଗତସିଂହପୁର ଜିଲ୍ଲାର ମୂଳବାସିନ୍ଦା ସ୍ବର୍ଗତ ସ୍ବାଇଁ ରାଉରକେଲା ଷ୍ଟିଲ ପ୍ଲାଣ୍ଟ ଆରମ୍ଭ ହେବା ପୂର୍ବରୁ (୧୯୫୮) ରାଉରକେଲା ଆସି ବ୍ୟବସାୟ କରିବା ସହ ସେକ୍ଟର ୨୦ ର ମାର୍କେଟ ବିଲ୍ଡିଂ ରେ ସପରିବାରେ ରହିଆସୁଥିଲେ। ମୃତ୍ୟୁ ବେଳକୁ ତାଙ୍କ ନିକଟରେ ବିଧବା ପତ୍ନୀ, ଦୁଇ ପୁତ୍ର ପୁତ୍ରବଧୁ, ୪ ଝିଅ ଜ୍ୟାଇଁ, ନାତିନାତୁଣୀ ଓ ଆତ୍ମୀୟସ୍ଵଜନ ଉପସ୍ଥିତ ଥିଲେ । ଜଣେ ମେଳାପି ଓ ଧର୍ମପରାୟଣ ବ୍ୟକ୍ତି ଭାବେ ପରିଚିତ ଥିବାରୁ ତାଙ୍କ ବିୟୋଗରେ ସ୍ଥାନୀୟ ଅଂଚଳ ସହ ଇସ୍ପାତ ମାର୍କେଟ ରେ ଶୋକର ଛାୟା ଖେଳିଯାଇଛି । ଆସନ୍ତାକାଲି ତାଙ୍କ ଅନ୍ତେଷ୍ଟି କ୍ରୀୟା ସମାପନ କରାଯିବ ବୋଲି ପରିବାର ସୂତ୍ରରୁ ପ୍ରକାଶ । ତେବେ ସ୍ବର୍ଗତ ସ୍ବାଇଁ ଙ୍କ ବିୟୋଗ ଖବର ପାଇ ସେକ୍ଟର ୧୯ ଥାନାର ଆମ ପୋଲିସର ସର୍ବଶ୍ରୀ ଡଃ ସୁମନ ଦତ୍ତ, ନିହାର ଦାସ ,ଗଣେଶ ଜୟସିଂହ,ମନୋଜ ଦାସ,ଏଏସଆଇ ପ୍ରଦୀପ ସାହୁ, କୁଞ୍ଜବିହାରୀ ରାଉତ ଙ୍କ ସହ ବହୁ ସାମ୍ବାଦିକ ଆଇଜିଏଚ କୁ ଯାଇ ଶେଷଦର୍ଶନ ସହ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ ।