ବାଲେଶ୍ଵର,୦୬/୦୧/୨୨- ବାଲେଶ୍ଵର ଜିଲ୍ଲା ଖଇରା ବ୍ଲକ ପଳସା ପଞ୍ଚାୟତ ପଳସା ମିନି ଷ୍ଟାଡିୟମରେ ବ୍ଲକ ସ୍ତରୀୟ କ୍ରୀଡ଼ା ପ୍ରତିଯୋଗିତା ଅନୁଷ୍ଠିତ ହୋଇଯାଇଛି । ଏଥିରେ ମୁଖ୍ୟ ଅତିଥିଭାବେ ସ୍ଥାନୀୟ ବିଧାୟକ ଜ୍ଯୋତିପ୍ରକାଶ ପାଣିଗ୍ରାହୀ ଯୋଗଦେଇ ଫିତାକାଟି ଉଦଘାଟନ କରିଥିଲେ । ବିଡ଼ିଓ ପର୍ଶୁରାମ ପଣ୍ଡାଙ୍କ ସଭାପତିତ୍ବରେ ଉକ୍ତ କ୍ରୀଡ଼ା ଉତ୍ସବରେ ଭଲିବଲ ଓ କ୍ରିକେଟ ମ୍ଯାଚ ଅନୁଷ୍ଠିତ ହୋଇଥିଲା । 
ବ୍ଲକର ୩୭ ଗୋଟି ପଞ୍ଚାୟତ ଓ ୪ ଗୋଟି ଜୋନରୁ ବଛାବଛା ଖେଳାଳି ମାନଙ୍କୁ ନେଇ ବ୍ଲକ ସ୍ତରୀୟ କ୍ରୀଡ଼ା ମ୍ଯାଚ ଅନୁଷ୍ଠିତ ହୋଇଥିଲା । କ୍ରୀଡ଼ାର ବିକାଶ ପାଇଁ ସରକାରଙ୍କର ବିଭିନ୍ନ ଯୋଜନା ଉପରେ ମୁଖ୍ୟ ଅତିଥି ବକ୍ତବ୍ୟରେ କହିଥିଲେ । 
ବ୍ଲକ ଉପାଧ୍ୟକ୍ଷା ଅନୁପସ୍ଥିତ ଥିବା ବେଳେ ବ୍ଲକର ବିଭିନ୍ନ ପଞ୍ଚାୟତରୁ ସରପଞ୍ଚ, ସମିତି ସଭ୍ୟଙ୍କ ସମେତ ଜିଲ୍ଲାପରିଷଦ ସଭ୍ୟ ଉପସ୍ଥିତ ଥିଲେ । କ୍ରିକେଟ ଓ ଭଲିବଲ ମ୍ଯାଚକୁ ବିଡ଼ିଓ ଶ୍ରୀ ପଣ୍ଡା ବଲ ଓ ବ୍ଯାଟ ମାଧ୍ୟମରେ ଶୁଭାରମ୍ଭ କରିଥିଲେ । ପ୍ରତ୍ୟେକ ଟିମ୍ ଖୁବ୍ ଭଲ ଖେଳ ପ୍ରଦର୍ଶନ କରିଥିଲେ । ଏହି ଖେଳ ଦେଖିବା ପାଇଁ ଖେଳ ପଡିଆରେ ବହୁ ଦର୍ଶକଙ୍କ ଭିଡ ଜମିଥିବାର ପରିଲକ୍ଷିତ ହୋଇଥିଲା । କ୍ରିକେଟରେ ୩ ନମ୍ବର ଜୋନ ଟିମ୍ ଉଇନର ହୋଇଥିବା ବେଳେ ୫ ନମ୍ବର ଜୋନ ଟିମ୍ ରନରସ ଅପ୍ ହୋଇଥିଲେ । ସେହିପରି ଭଲିରେ ୬ ନମ୍ବର ଜୋନ ଟିମ୍ ଉଇନର ହୋଇଥିବା ବେଳେ ୫ ନମ୍ବର ଜୋନ ଟିମ୍ ରନରସ ଅପ୍ ହୋଇଥିଲେ । ଶେଷରେ ବିଜେତା ମାନଙ୍କୁ ମୁଖ୍ୟ ଅତିଥି ଟ୍ରଫି ପ୍ରଦାନ କରିଥିଲେ ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
