ରାଉରକେଲା/ ଭାଗିରଥି ସଲ୍ୟୁସନ ଓ ସ୍ରିଷ୍ଟି ନିଉଜ ର ମିଳିତ ଆନୁକୂଲ୍ୟରେ ଦ୍ୱିତୀୟ ପି ଏମ୍ ମହାନ୍ତି ମେମୋରିଆଲ ରାଉରକେଲା ମୁକ୍ତ ଚେସ ପ୍ରତିଯୋଗିତା ସେକ୍ଟର ୧୯ସ୍ଥିତ ଜ୍ଞାନଜ୍ୟୋତି ପବ୍ଲିକ୍ ସ୍କୁଲ ଠାରେ ଉଦଘାଟିତ ହୋଇଯାଇଛି । ବରିଷ୍ଠ ସାମ୍ବାଦିକ ରାଜା ମହାନ୍ତିଙ୍କ ସଂଯୋଜନା ଓ ସ୍ରିଷ୍ଟି ନିଉଜ ର ମୁଖ୍ୟ ମନୋଜ ଶତପଥୀଙ୍କ ଆବାହକତ୍ବରେ ଆୟୋଜିତ ଏହି କାର୍ଯ୍ୟକ୍ରମରେ ରାଜ୍ୟ ଚେସ ଆସୋସିଏସନ୍ର ସଭାପତି ଜି ସି ମହାପାତ୍ର, ସେଫି ର ସାଧାରଣ ସଂପାଦକ ବିମଳ ବିଶି,ବରିଷ୍ଠ ଚେସ ଖେଳାଳି ଏସ କେ ପରିଛା ଅତିଥି ଭାବେ ଯୋଗଦେଇ ଥିବା ବେଳେ ଟୁର୍ଣ୍ଣାମେଣ୍ଟର ସଂଯୋଜକ ଭାବେ ବିନାୟକ ଜେନା ଦାୟିତ୍ୱ ତୁଲାଇଥିଲେ । ଅତିଥିମାନେ ସେମାନଙ୍କ ବକ୍ତବ୍ଯରେ ଏହି ଖେଳ ମାନସିକ ବିକାଶ ସହ ଭାଇଚାରା ବୃଦ୍ଧି କରେ ବୋଲି ମତରଖିବା ସହ ଅନୁଷ୍ଠାନର କାର୍ଯ୍ୟକ୍ରମକୁ ପ୍ରଶଂସା କରିଥିଲେ । ଏହି ଅବସରରେ ବିରମିତ୍ରପୁର ମ୍ୟୁନିସିପାଲଟିର ଅଧ୍ୟକ୍ଷ ସନ୍ଦିପ ମିଶ୍ର, ସାମ୍ବାଦିକ ଅରବିନ୍ଦ ଦାସ,ସାମ୍ବାଦିକ ତଥା କବି କୁଞ୍ଜବିହାରୀ ରାଉତ ଙ୍କ ସମ୍ବର୍ଦ୍ଧିତ କରାଯାଇଥିଲା । ଏହି ଅବସରରେ ହିନ୍ଦୀ ସ୍ରିଷ୍ଟି ନିଉଜ କୁ ଅତିଥିମାନେ ଉନ୍ମୋଚନ କରିଥିଲେ । ଟୁର୍ଣ୍ଣାମେଣ୍ଟରେ ୪୩ଟି ଟିମ୍ ଓ ୮୬ ଜଣ ଖେଳାଳି ଅଂଶଗ୍ରହଣ କରିଛନ୍ତି । ଏହି ପ୍ରତିଯୋଗିତା ଆସନ୍ତା ୯ତାରିଖ ପର୍ଯ୍ୟନ୍ତ ଚାଲିବାକୁ ଥିବାବେଳେ ବିଜୟ ପ୍ରତିଯୋଗୀଙ୍କୁ ନଗଦ ପାଞ୍ଚ ହଜାର ଅର୍ଥ ସହ ପି ଏମ ମହାନ୍ତି ରନିଂ ସିଲ୍ଡ ପ୍ରଦାନ କରାଯିବ । ସେହିପରି ଦ୍ବିତୀୟ ସ୍ଥାନ କୁ ୩ ହଜାର,ତୃତୀୟ ସ୍ଥାନ କୁ ୨ହଜାର, ଚତୁର୍ଥ ଓ ପଞ୍ଚମ ସ୍ଥାନ କୁ ଦେଢ ହଜାର, ଷଷ୍ଠ ଓ ସପ୍ତମ ସ୍ଥାନ କୁ ୧ ହଜାର ଓ ଅଷ୍ଟମ, ନବମ,ଦଶମ ସ୍ଥାନ ପାଇଁ ପାଞ୍ଚ ଶହ , ଶ୍ରେଷ୍ଠ ବୟସ୍କ ଓ ଶ୍ରେଷ୍ଠ ମହିଳା ପ୍ରତିଯୋଗୀ ଙ୍କୁ ପାଞ୍ଚ ସହ ନଗଦ ସହ ପ୍ରମାଣ ପତ୍ର ଓ ମେମୋଣ୍ଟୋ ଦିଆଯିବ ବୋଲି ଅନୁଷ୍ଠାନ ତରଫରୁ ସୂଚନା ଦିଆଯାଇଛି । ସେହିପରି ୯,୧୧,୧୩,୧୫ ବର୍ଷରୁ କମ୍ ପ୍ରତିଯୋଗୀ ମାନଙ୍କୁ ପ୍ରମାଣପତ୍ର ଓ ମେମୋଣ୍ଟୋ ଦିଆଯିବ ବୋଲି ସୂଚନା ମିଳିଛି । ଏହି ପ୍ରତିଯୋଗିତାରେ ବିଚାରକ ଭାବେ ପ୍ରକାଶ ଚନ୍ଦ୍ର ସାହୁ, ପ୍ରଦୀପ ବିଶୋଇ ଓ ଗଜେନ୍ଦ୍ର କୁମାର ବେହେରା ପ୍ରମୁଖ ଦାୟିତ୍ୱ ତୁଲାଉଥିଲା ବେଳେ କାର୍ଯ୍ୟକ୍ରମ ପରିଚାଳନା ରେ ସର୍ବଶ୍ରୀ ଶୈଳେଶ ତିୱାରୀ,ଗଣପତି ଦାସ , ସୁକାନ୍ତ ମିଶ୍ର,ମହେଶ୍ଵର ସିଂ,ବିଜୟ ତ୍ରିପାଠୀ,ସୁରେଶ ଚନ୍ଦ୍ର ନାୟକ,ବିର୍ସା ଓରାମ ଓ ବିକ୍ରମ ସୂତାର ପ୍ରମୁଖ ସହଯୋଗ କରିଥିଲେ।
previous post