ମାଘ ମାସ ଜାଡ ଵାଘ ପରିକା
ପ୍ରଶାନ୍ତ କୁମାର ନାଥ
ମାଘ ମାସ ଜାଡ ଵାଘ ପରିକା
ସଭିଙ୍କୁ ଡରାଏ ଋତୁ ସେ ଏକା।
ହେମାଳ ଵାଆକୁ କୁହୁଡ଼ି ବର୍ଷା
ସକାଳ ସଂନ୍ଧ୍ୟାରେ ନଦିଶେ ଦିଶା।
ଆଈଙ୍କୁ ଆଦର ଚାଦର ମୋଜା
ସଂନ୍ଧ୍ୟା ହୋଇଗଲେ କମଳ ସଜା।
ଅଜା ପାଇଁ ନାଲି ଚାହା ତ ଲୋଡା
ଆଈ ଅଦା ଦେଇ କରନ୍ତି କଡା।
କାମ ଧନ୍ଦାରେ ତ ନଥାଏ ମନ
ସଭିଙ୍କ ଦେହରେ ଶୀତ ଵସନ।
ପାଦ ହାତ ସଵୁ ଲାଗେ ହେମାଳ
କାମ ନକରିଲେ ଥଣ୍ଡା ପ୍ରବଳ।
ପିଲା ଛୁଆ କେହି ଗାଧାନ୍ତି ନାହିଁ
ପାଣିକୁ ଦେଖି ସେ ରୁହନ୍ତି ଚାହିଁ।
ସଭିଙ୍କ ଆଦର ଗରମ ମୁଢି
ବାଡି ବଗିଚାରେ ଫୁଲର କଢି।
ସଂଞ୍ଜ ନଇଁ ଗଲେ ଦାଣ୍ଡ ଫୁଙ୍ଗୁଳା
ପ୍ରତି ଘରେ ହୁଏ ନିଆଁ ତ ଜଳା।
ମାଘ ମାସ ଶୀତ ହଲାଏ ନିଶ
ବେଳ ଥାଉଁ ଥାଉଁ କଣରେ ଵସ।
ନାହିଁ ହାତ ଗୋଡ଼ ମାଘ ଶୀତରେ
ତଥାପି ଡରାଏ ବାଘ ରୂପରେ।
ସଂଞ୍ଜ ନଇଁ ଗଲେ ପଡଇ ତାଟି
ଶୀତରେ ଥରାଏ ଆକାଶ ମାଟି।।
ପ୍ରଶାନ୍ତ କୁମାର ନାଥ
(ଜୁଣଗଡି) ରାଜନଗର କେନ୍ଦ୍ରାପଡ଼ା
