ନୂଆପଡା, // ଖଡ଼ିଆଳ ବିଜ୍ଞାପିତ ଅଞ୍ଚଳ ପରିଷଦ ପକ୍ଷରୁ ଖଡ଼ିଆଳ ସହରକୁ ଶୌଚ ମୁକ୍ତ କରିବା ପାଇଁ ସ୍ୱଚ୍ଛ ଭାରତ ମିଶନ ଜରିଆରରେ ୨୦୧୭-୧୮ ମସିହାରେ ଖଡ଼ିଆଳ ସହରର ୧୩ ଟି ୱାର୍ଡ ମଧ୍ୟରେ ଗୋଟିଏ ଶୌଚାଲୟ ପ୍ରତି ୪ ଲକ୍ଷ ୫୦ ହଜାର ଟଙ୍କାରେ ୧୬ ଗୋଟି ଶୌଚାଳୟ ନିର୍ମାଣ କରାଯାଇଛି । ୧୬ ଗୋଟି ଶୌଚାଳୟ ମଧ୍ୟରୁ ଦଶଟି କମ୍ୟୁନିଟି ଟଇଲେଟ ଓ ଛଅ ଗୋଟି ଜନ ସାଧାରଣ ଙ୍କ ଟଇଲେଟ ମୋଟ ଅଟକଲ ୭୨ (ଲକ୍ଷ) ଟଙ୍କାର ବୋଲି ବିଭାଗ ସୂତ୍ରରୁ ପ୍ରକାଶ । ଏହାର ଉଦ୍ଦେଶ୍ୟ ଯେଉଁ ଲୋକ ମାନଙ୍କ ଘରେ ଶୌଚାଳୟର ସୁବିଧା ନାହିଁ ସେମାନେ ସେହି ଶୌଚାଳୟ ବ୍ୟବହାର କରି ସୁବିଧା ପାଇବା ସହିତ ସହର ସ୍ଵଛ ଓ ସୁନ୍ଦର ରହିବ । ସରକାରଙ୍କ ଉଦ୍ଦେଶ୍ୟ ଠିକ ହେଲେ ଦାଇତ୍ୱରେ ଥିବା ଅଧିକାରୀ ଓ ଯନ୍ତ୍ରୀଙ୍କ ଲାଭଖୋର ମନୋବୃତି ଯୋଗୁ ସେ ଗୁଡିକ କାର୍ଯ୍ୟକ୍ଷମ ହୋଇନ ପାରି ପାଞ୍ଚ ବର୍ଷ ହେଲା ଅକାମି ହୋଇ ଖତ ଖାଉଛି । ଶୌଚାଳୟ ପାଖରେ ଥିବା ଜନସଧାରଣଙ୍କ ଅଭିଯୋଗ ଅନୁଯାୟୀ ଶୌଚାଲୟ ଗୁଡିକର କାର୍ଯ୍ୟ ସମ୍ପୂର୍ଣ୍ଣ ହୋଇ ଥିଲେ ମଧ୍ୟ ଏହା ପଡି ରହିଛି । ଶୌଚାଳୟ ଗୁଡିକରେ ମୋଟର , ପାଣି ଟାଙ୍କି ଲାଗି ଥିବା ବେଳେ ବିଭାଗୀୟ ଅତି ଶୀଘ୍ର ଏହା କୁ ଉପଯୋଗ ପାଇଁ ଦେବା କୁ ସାଧାରଣ ଦାବି ହୋଇଛି । ନିର୍ମିତ ଶୌଚାଳୟ ଗୁଡିକୁ ବ୍ୟବହାର କରିବା ପାଇଁ ଅନେକ ଥର ବିଭାଗୀୟ ଅଧିକାରୀ ମାନଙ୍କୁ ଅବଗତ କରାଇବା ସତ୍ତ୍ୱେ ସେମାନେ ହସ୍ତାନ୍ତର କରୁନଥିବାରୁ ଶୌଚାଳୟ ଗୁଡିକ ଅକାମି ହୋଇ ପଡି ରହିଛି ଓ ଯେଉଁ ସ୍ଥାନ ଗୁଡିକରେ ଶୌଚାଳୟ ତିଆରି କରାଯାଇଛି ସେହି ସ୍ଥାନ ଗୁଡ଼ିକ ଜନବସତି ଠାରୁ ବହୁତ ଦୂରରେ ଫଳରେ ସେହି ଶୌଚାଳୟ ଗୁଡିକ କାର୍ଯ୍ୟକ୍ଷମ ହେବା ସମ୍ଭବ ହେଉନାହିଁ ବୋଲି ସ୍ଥାନୀୟ ଜନସାଧାରଣ ଅଭିଯୋଗ କରିଛନ୍ତି । ବର୍ତ୍ତମାନ ଶୌଚାଳୟ ଗୁଡିକ ବ୍ୟବହାର ନହୋଇ ନିମ୍ନ ମାନର କାର୍ଯ୍ୟ ଯୋଗୁ ଶୌଚାଳୟର ଟ୍ୟାଙ୍କ ଗୁଡିକ ଭାଙ୍ଗି ଯାଉଥିବା ବେଳେ ଲାଗିଥିବା ପ୍ଲାଷ୍ଟିକ ସାମଗ୍ରୀ ଗୁଡିକ ଭାଙ୍ଗି ଯାଇଛି । ଏନେଇ ଖଡ଼ିଆଳ ଏନଏସି କାର୍ଯ୍ୟନିର୍ବାହୀ ଅଧିକାରୀ ଚିନ୍ମୟ ଆଚାର୍ୟଙ୍କୁ ପଚାରିବାରୁ କୋଭିଡ ପାଇଁ କାର୍ଯ୍ୟକ୍ଷମ ହୋଇ ପାରିଲାନ ଥିଲା ବର୍ତ୍ତମାନ ମହିଳା ସ୍ଵୟଂ ସହାୟକ ଗୋଷ୍ଠୀଙ୍କୁ ଦେଇ କାର୍ଯ୍ୟକ୍ଷମ କରାଯିବ ବୋଲି ପ୍ରକାଶ କରିଛନ୍ତି । ଜିଲ୍ଲା ପ୍ରଶାସନ ଦୃଷ୍ଟି ଦେଇ ନିମ୍ନ ମାନର ଶୌଚାଳୟ କାର୍ଯ୍ୟର ତଦନ୍ତ କରି ବିଭାଗୀୟ ଅଧିକାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବା ସହିତ ପାଞ୍ଚ ବର୍ଷ ହେଲା ଅକାମି ହୋଇ ପଡି ରହିଥିବା ଶୌଚାଳୟ ଗୁଡିକୁ କାର୍ଯ୍ୟକ୍ଷମ କରିବାକୁ ଦାବି ହେଉଛି ।
ନୂଆପଡା ରୁ ସୁଜିତ କୁମାର ପ୍ରଧାନ ଙ୍କ ରିପୋର୍ଟ