ଡାବୁଗାଁ, ୯/୧ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ଥାନା ଅଧୀନ ଅଞ୍ଚଳା ଗ୍ରାମରେ ଜମିବାଡି କୁ ନେଇ ଗଣ୍ଡଗୋଳ ଘଟଣାରେ ବାପା ଓ ପୁଅ ୨ ଜଣ ଙ୍କୁ ଗିରଫ କରି ସୋମବାର କୋର୍ଟ ଚାଲାଣ କରାଯାଇଛି | ସୂଚନାଯୋଗ୍ୟ :- ଡାବୁଗାଁ ଥାନା ଅଧୀନ ଅଞ୍ଚଳା ଗ୍ରାମର ଡୁମର ଗୌଡ (୫୫) ଓ ପୁଅ ମନୁ ଗୌଡ (୩୮) ମିଶି ତାଙ୍କ ଭାଉଜ ଡାଳିମ୍ବ ଗୌଡ ଙ୍କ ସହ ବହୁ ଦିନ ଧରି ଜମିଜମା ନେଇ ଗଣ୍ଡଗୋଳ ଲାଗି ରହିଥିଲା | ୯.୧୧.୨୦୨୨ ଦିନ ପୂର୍ବାହ୍ନରେ ୨ ପରିବାର ମଧ୍ୟରେ ପାଟିତୁଣ୍ଡ ହୋଇଥିଲା | ପରେ ଡୁମର ଗୌଡ ଓ ପୁଅ ମନୁ ଗୌଡ ଏକ ମରଣାସ୍ତ୍ର ସାହାଯ୍ୟରେ ଡାଳିମ୍ବ ଗୌଡ କୁ ଆକ୍ରମଣ କରି ଆହତ କରିଥିଲେ | ଏନେଇ ୯.୧୧.୨୦୨୨ ଦିନ ଅପରାହ୍ନରେ ଡାଳିମ୍ବ ଗୌଡଙ୍କ ଝିଅ ହେବତି ଗୌଡ ଉଭୟ ବାପା ଓ ପୁଅ ଙ୍କ ନାମରେ ଡାବୁଗାଁ ଥାନା ରେ ଏତଲା ଦେଇଥିଲେ | ଉକ୍ତ ଏତଲା କୁ ଭିତ୍ତି କରି ପୋଲିସ ତଦନ୍ତ ଆରମ୍ଭ କରିଥିଲା | ସେହି ଦିନ ଠାରୁ ବାପପୁଅ ୨ ଜଣ ଫେରାର ଥିଲେ | କୌଣସି ସୂତ୍ରରୁ ପୋଲିସ ଖବର ପାଇ ସୋମବାର ବାପା ଡୁମର ଗୌଡ ଓ ପୁଅ ମନୁ ଗୌଡ ଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି ବୋଲି ଥାନା ସବଇନିସ୍ପେକ୍ଟର ବିଜୁରାମ ବାଗ ସୂଚନା ଦେଇଛନ୍ତି |
ଡାବୁଗାଁରୁ ପ୍ରଜ୍ଞା ରଞ୍ଜନ ପରିଡାଙ୍କ ରିପୋର୍ଟ