ଥୁଆମୂଳ ରାମପୁର:୦୯/୦୧ – କଳାହାଣ୍ଡି ଜିଲ୍ଲା ଆଦିବାସୀ ଅଧ୍ୟୁଷିତ ଅଞ୍ଚଳରେ କିଛି ଠକ୍ ବ୍ୟକ୍ତି ଆସି ଥୁଆମୂଳ ରାମପୁର ବ୍ଳକ ଅନ୍ତର୍ଗତ କିଆପଦର ଓ ଆଖପାଖ ଗ୍ରାମ ମାନଙ୍କରେ ଥିବା ଦୋକାନୀ ମାନଙ୍କୁ ୯୦୦ ଟଙ୍କା ଲେଖାଏଁ ରେଜିଷ୍ଟ୍ରେସନ ଫି ବାବଦରେ ଅର୍ଥ ଆଦାୟ କରୁଛନ୍ତି ଓ କହୁଛନ୍ତି ଯେ, କେନ୍ଦ୍ର ସରକାର ରେଜିଷ୍ଟ୍ରେସନ ହେଲେ ଯାଇ ଦୋକାନ ଚାଲି ପାରିବ ବୋଲି କହୁଥିବା ସୂଚନା ମିଳିଛି। 
ସେମାନେ ଆହୁରି କହୁଛନ୍ତି ଯେ କେନ୍ଦ୍ର ସରକାର ର ଅନୁମୋଦନ ଓ ରେଜିଷ୍ଟ୍ରିଭୁକ୍ତ ନ ହେଲେ ଦୋକାନୀମାନେ ବ୍ୟବସାୟ କରିପାରିବେ ନାହିଁ । ତେବେ ଏହାର ଉଦ୍ଦେଶ୍ୟ ସେହି ଦୋକାନୀ ମାନଙ୍କୁ ଜଣାନଥିବା ବେଳେ ଏହି ଅଜଣା ଠକ ବ୍ଯକ୍ତି ମାନେ କିଏ ଓ କାହାର ଅନୁମତି ନେଇ ଏହା କରୁଛନ୍ତି କିମ୍ବା ପ୍ରକୃତରେ ସରକାରଙ୍କ ନିର୍ଦ୍ଦେଶ ରହିଛି ତାହା ତଦନ୍ତ ସାପେକ୍ଷ । ଏହି ଘଟଣାକୁ ନେଇ ଯଦି ତଦନ୍ତ କରାଯାଏ ତେବେ ଘଟଣାର ପ୍ରକୃତ ରହସ୍ୟ ଲୋକଲୋଚନକୁ ଆସିପାରିବ ବୋଲି ଅଞ୍ଚଳରେ ଚର୍ଚ୍ଚା ଜୋର ଧରିଥିବା ଜଣାପଡିଛି।
ମସିହା ନିଉଜ ସର୍ଭିସ୍
