ବାଲେଶ୍ଵର,୧୧/୦୧/୨୩- ନିକଟରେ ବାଲେଶ୍ଵର ଜିଲ୍ଲା ଖଇରା ଓ ସିମୁଳିଆ ବ୍ଳକର କାର୍ଯ୍ୟରତ ସାମ୍ବାଦିକ ମାନଙ୍କର ଏକ ବୈଠକ ଅନୁଷ୍ଠିତ ହୋଇଯାଇଛି । ଉକ୍ତ ବୈଠକ ଖଇରା ବ୍ଲକ ଗଣ୍ଡିଵେଢ଼ ନିକଟ ଏସଆର ଗ୍ରୁପ କମ୍ପାନୀ ପରିସରରେ ଥିବା ସିରିଡି ସାଇ ମନ୍ଦିର ପ୍ରାଙ୍ଗଣରେ ଅନୁଷ୍ଠିତ ହୋଇଥିଲା । ଏହି ଵୈଠକରେ ଖଇରା ବ୍ଲକର ବରିଷ୍ଠ ସମାଜ ସାମ୍ବାଦିକ କୈଳାସ ଚନ୍ଦ୍ର ଦାସ ଅଧ୍ୟକ୍ଷତା କରିଥିଲେ । କାର୍ଯ୍ୟରତ ସାମ୍ବାଦିକ ମାନେ ଖବର ସଂଗ୍ରହ କ୍ଷେତ୍ରରେ ଉପୁଜିଥିବା ସମସ୍ୟା, ବୀମା ରାଶି ୫ଲକ୍ଷ ଟଙ୍କାକୁ ଵୃଦ୍ଧି କରିବା ସହିତ ସରକାରଙ୍କ ପେନସନ ଯୋଜନା ଲାଗୁ କରାଯିବା ନେଇ ଦାବି କରାଯାଇଥିଲା । କାର୍ଯ୍ୟରତ ସାମ୍ବାଦିକ କିଶୋର ଵେହେରା କିଡ୍ନୀ ରୋଗରେ ଆକ୍ରାନ୍ତ ହୋଇ ପଡ଼ିଥିବାରୁ ତାଙ୍କୁ ସରକାରୀ ଓ ବେସରକାରୀ ସ୍ତରରେ ସାହାଯ୍ୟ ଯୋଗାଇ ଦେବା ନେଇ ମଧ୍ୟ ବୈଠକରେ ଆଲୋଚନା ହୋଇଥିଲା । ଯୁବ ସମାଜସେବୀ ତଥା ସାମ୍ବାଦିକ ଇଂ ରାଜେଶ କୁମାର ମହାକୁଡ ପ୍ରାରମ୍ଭିକ ଅଭିଭାଷଣ ରଖିଵା ସହିତ ଏକତ୍ରିତ ହୋଇ କଲମ ଚାଳନା କରିବା ନେଇ ପ୍ରସ୍ତାବ ଆଗତ କରିଥିଲେ । ଶ୍ରୀ ମହାକୁଡଙ୍କ ତରଫରୁ ଆଗତ ପ୍ରସ୍ତାବକୁ ଉପସ୍ଥିତ ସାମ୍ବାଦିକ ମାନେ ସ୍ବାଗତ କରିଥିଲେ । ଏଥିରେ ଖଇରା ଓ ସିମୁଳିଆ ବ୍ଳକରେ କାର୍ଯ୍ୟରତ ସାମ୍ବାଦିକ ମାନେ ଯୋଗ ଵକ୍ତବ୍ୟ ପ୍ରଦାନ କରି ବୈଠକକୁ ସାଫଲ୍ୟ ମଣ୍ଡିତ କରିଥିଲେ ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
