_ _ଶୀତୁଆ ସକାଳ _ _
ଶ୍ଯାମା ପ୍ରସାଦ୍ ବୋଷ୍
ଶୀତୁଆ ସକାଳ ଧିର ପଦ ପାତେ
ଧରାକୁ ଓହ୍ଲାଇ ଆସେ
ରାତି ପାହି ଯାଏ ନିଦ ଭାଙ୍ଗି ଯାଏ
ଶୀତ ସକାଳ ପରଶେ ।
ଶେଯଛାଡିବାକୁ ଇଛା ହୁଏ ନାହିଁ
ବାଧ୍ଯ ହୋଇ ଉଠି ବସେ
ଶୀତୁଆ ସକାଳ ଶୀତ ଟଳ ମଳ
ହାତକୁ ହାତରେ ଘସେ ।
ଶୀତୁଆ ସକାଳ କରଇ ବିକଳ
ଶୀତ ଥିରି ଥିରି ଆସେ
ପୂରୁବ ଦିଗରୁ ସୂରୁଜ ଉଇଁଲେ
କଅଁଳ ଖରା ଟି ହସେ ।
ଶୀତୁଆ ସକାଳ କୁହୁଡି ଚାଦର
ଧରଣୀ ଘୋଡାଇ ବସେ
ଗଛର ପତରୁ ଶିଶିର ର ଟୋପା
ମାଟି ମାଆ କୋଳେ ଖସେ ।
ଶୀତୁଆ ସକାଳ କଅଁଳ ଖରାରେ
ଶିଶିର ର ବୁନ୍ଦା ଘାସେ
ମୁକୁତା ପରାଏ ଶୋଭା ତା ବଢାଏ
ଖରା ତେଜ ତାକୁ ନାଶେ ।
ଶୀତୁଆ ସକାଳ ଦେହ ଥର ଥର
ଉଷୁମ ପରଶ ପାଶେ
ମନ ଖୋଜୁଥାଏ ନିଆଁ ପୋଇଁବାକୁ
ବସି ସେ ନିଆଁ ର ଧାସେ ।
ଶୀତ ଋତୁ ଶୀତ ଶୀତୁଆ ସକାଳ
ଶୀତ ସାଥେ ମିତ ବସେ
ଶୀତ ମାଡି ଆସେ ଶୀତୁଆ ପରଶେ
ଶୀତ ପରା ମାଡିବସେ ।
ଶ୍ଯାମା ପ୍ରସାଦ୍ ବୋଷ୍
ଗ୍ରାମ :- ବେଗୁନିଁଆ , ମଲ୍ଲୀକ୍ ସାହି
ପୋଷ୍ଟ :- ଗୋପ୍ , ଜିଲ୍ଲା :- ପୁରୀ
