ନ୍ୟାୟାଳୟ ଚାପ ରେ ପ୍ରଦୂଷଣ ଓ ରାଜସ୍ୱ ବିଭାଗ ଘଟଣା ସ୍ଥଳରେ ତଦନ୍ତ ର ଅଭିନୟ । ସେପଟେ ତଦନ୍ତ ସମୟ ରେ ଦିଗହରା କରିବାକୁ ପ୍ରଦ୍ୟୁଷଣ ନିର୍ଗତ ମେସିନ ସବୁ ଉତ୍କଳ ଆଲୁମିନା ପକ୍ଷରୁ ବନ୍ଦ କରିଥିବା ସାଧାରଣ ରେ ଅଭିଯୋଗ
କାଶୀପୁର,୧୮/୧(ମ ନି ସ) ରାୟଗଡା ଜିଲ୍ଲା ଦୋରାଗୁଡା ସ୍ଥିତ ଉତ୍କଳ ଆଲୁମିନା କାରଖାନା ରୁ ନିର୍ଗତ ବିଷାକ୍ତ ପରିବେଶ ବର୍ତ୍ତମାନ ସଂଗଲଘ୍ନ ଜନବସତି ପାଇଁ ମରଣଯନ୍ତା ସାଜିଛି । ଏକାଧିକ ଅଭିଯୋଗ ରେ ପ୍ରଶାସନ ନିରବଦ୍ରଷ୍ଟା ସେପଟେ ଉଚ୍ଚ ନ୍ୟାୟାଳୟ ର ନିର୍ଦେଶ ପରେ ଉତ୍କଳ ଆଲୁମିନା ପରିସର ପୁଣି ପ୍ରଭାବିତ ଗାଁ ରେ ପହଞ୍ଚି ଦ୍ଵିତୀୟ ଥର ପାଇଁ ମଙ୍ଗଳବାର ପ୍ରଶାସନ ଆଉ ପରିବେଶ ବିଭାଗ ପକ୍ଷରୁ ତଦନ୍ତ ଆରମ୍ଭ କରିଛନ୍ତି । ହେଲେ ତଦନ୍ତ ସମୟରେ କାରଖାନା ରୁ ପ୍ରଦ୍ୟୁଷଣ ନିର୍ଗତ ମିଲ ଓ ମସିନେରୀ ସବୁ ବନ୍ଦ । 
ଏଭଳି ସ୍ଥିତିରେ ନ୍ୟାୟାଳୟ ର ତଦନ୍ତ କୁ ଦିଗହରା ର ପ୍ରୟାସ ବୋଲି ଅଭିଯୋଗ କରିଛନ୍ତି ସ୍ଥାନୀୟ ଜନସାଧାରଣ । ସୂଚନା ପ୍ରକାରେ ଏକ ଦଶନ୍ଧି ରୁ ଉର୍ଦ୍ଧ ହେବ କାଶୀପୁର ତହସିଲ ଅନ୍ତର୍ଗତ ଡିମୁଣ୍ଡି ଓ ଡମ୍ବ କରଳ ମୌଜାର ଆଦିବାସୀ ଓ ହରିଜନ ବହୁଳ ସମ୍ପ୍ରଦାୟର ଜମିରେ ଉପରେ ଗଡି ଉଠିଛି ଉତ୍କଳ ଆଲୁମିନା କାରଖାନା । ସୂତ୍ର ଖବର ଅନୁଯାୟୀ ବିର୍ଲା ଗ୍ରୁପ ଅଫ କମ୍ପାନୀ ର ଲାଭ ଯୁକ୍ତ ଅନ୍ୟ କାରଖାନା ମଧ୍ୟରୁ ଉତ୍କଳ ଆଲୁମିନା ଶ୍ରେଷ୍ଟ ରେ ରହିଛି । ସେହିପରି ଲାଭାଂଶ ର ଉନ୍ନୟନ ପାଣ୍ଠି କୁ ଅଞ୍ଚଳର ଜନସାଧାରଣ ଙ୍କର ମୌଳିକ ବିକାଶ ରେ କମ ଖର୍ଚ୍ଚ କରି ରାଜଧାନୀ ଓ ଜିଲ୍ଲା ସଦର ମହକୁମା ର କାନ୍ଥ ବାଡ଼ରେ ଚିତ୍ର ଆଙ୍କିବା ରେ କୋଟି କୋଟି ଟଙ୍କା ଖର୍ଚ୍ଚ କରୁଥିବା ଦୃଷ୍ଟାନ୍ତ ରହିଛି । 
କିନ୍ତୁ ଅବହେଳିତ ସମ୍ପ୍ରଦାୟର ର ମାଟିରେ କାରଖାନା ପ୍ରତିଷ୍ଠା କରି ନିଜର ଲାଭ କୁ ଶୀର୍ଷ ରେ ରଖି ଉତ୍କଳ କାରଖାନା ର ଜମିହରା ଓ ଭୂମିହିଁନ ମାନଙ୍କର ର ସୁରକ୍ଷା ଧନ , ଜୀବନ କଥା ସମ୍ପୂର୍ଣ୍ଣ ଭୁଲିଯାଇଛି । ଫଳରେ ନଦୀ ରେ ଦୁଷିତ ରାସାୟନିକ ପଦାର୍ଥ ଛାଡୁଥିବା ବେଳେ ନଳକୂପ ରେ ତେଲିଆ ପାଣି ଲୋକଙ୍କୁ ବ୍ୟବହାର କରିବାକୁ ପଡ଼ୁଛି । ସେହିପରି ଚିମିନି ଧୂଆଁ ଓ ୧୦ କିଲୋମିଟର ରୁ ଉର୍ଦ୍ଧ୍ଵ କନଭେଏର ବେଲ୍ଟ ଦ୍ୱାରା ନିର୍ଗତ ଧୂଳି ରେ ଅଞ୍ଚଳରେ ଲୋକେ ବିଭିନ୍ନ ରୋଗରେ ଆକ୍ରାନ୍ତ ହେଇ ଜୀବନ କାଟୁଥିବା ଅଭିଯୋଗ ହେଉଛି । ପୁଣି କାରଖାନା ର ରୋଡ଼ ମିଲ କମ୍ପନ ରେ ଡିମୁଣ୍ଡି ଗାଁ ର ଶତାଧିକ ବାସ ଗୃହ ର କାଁଥ ସବୁ ଫାଟି ଆଁ ହେଇଗଲାଣି । ଏଭଳି ଦଶ ବର୍ଷ ର ଅଭିଯୋଗ ନେଇ ସ୍ଥାନୀୟ ବାସୀ ବାର ଦୁଆର ହେଉଥିବା ବେଳେ ଶେଷ ରେ ଉଚ୍ଚ ନ୍ୟାୟାଳୟ ଦ୍ୱାରାସ୍ତ ହେଇଥିଲେ । ଉକ୍ତ ଘଟଣା ର ସଂଜ୍ଞାନ କୁ ନେଇ ତଳଦିନରେ ରାଜସ୍ୱ କମିଶନର ବ୍ରହ୍ମପୁର ଙ୍କୁ ପ୍ରକୃତ ତଥ୍ୟ ପ୍ରଦାନ ନିମନ୍ତେ ନ୍ୟାୟାଳୟ ନିର୍ଦେଶ ଦେଇଥିବା ଜଣାପଡିଛି । ପ୍ରକାଶ ଥାଉକି ଗତ ଡିସେମ୍ବର ୩୧ ତାରିଖରେ ପ୍ରଥମ ଥର ପାଇଁ ଅଭିଯୋଗ ଯୁକ୍ତ ପ୍ରଭାବିତ ଗ୍ରାମ ମଧ୍ୟରୁ ଲଛୁଗୁଡା ଗାଁ ରେ ତଦନ୍ତ ପାଇଁ ରାଜ୍ୟ ପ୍ରଦ୍ୟୁଷଣ ବୋର୍ଡ ଅଧିକାରୀ ହେମନ୍ତ କୁମାର ବେହେରା ସମେତ ରାୟଗଡା-ଉପ ଜିଲ୍ଲାପାଳ ଭୀମ ସେନ ଶବର ,କାଶୀପୁର ତହସିଲଦାର ଶରତ ଶବର ଏବଂ ସୁରକ୍ଷା ଦାଇତ୍ୱ ରେ ଦୋରାଗୁଡା ଥାନା ଅଧିକାରୀ ଦେବ ମଲ୍ଲିକ ଏବଂ ତାଙ୍କ ଟିମ ଘଟଣା ସ୍ଥଲରେ ପହଞ୍ଚି ପ୍ରାଥମିକ ତଦନ୍ତ ର ସବିଶେଷ ତଥ୍ୟ ସଂଗ୍ରହ କରିଥିବା ବେଳେ ପୁନର୍ବାର ଚଳିତ ମାସ ମଙ୍ଗଳବାର ଦିନ ଉପରକ୍ତ ଅଧିକାରୀ ସମେତ କାଶୀପୁର ବିଡ଼ିଓ ମନିଶା ଦାସ , କନିଷ୍ଟ ଯନ୍ତ୍ରୀ ଗୌରାଙ୍ଗ ପରିଡା ,ହାଡ଼ିଗୁଡା ସରପଞ୍ଚ ଓ ନାଏବ ସରପଞ୍ଚ ଉପସ୍ଥିତିରେ ଅନ୍ୟ ପ୍ରଭାବିତ ଗ୍ରାମ ମଧ୍ୟରୁ ଡମ୍ବ କରଳ ଏବଂ ଡିମୁଣ୍ଡି ଗ୍ରାମ ରେ ପହଞ୍ଚି ତଦନ୍ତ ଆରମ୍ବ କରିଥିବା ଦେଖିବାକୁ ମିଳିଛି । ହେଲେ ତଦନ୍ତ ସମୟରେ ରୋଡ଼ ମିଲ , ସହିତ ଅନ୍ୟ ପ୍ରଦ୍ୟୁଷଣ ନିର୍ଗତ ହେଉଥିବା ମେସିନେରୀ ଯନ୍ତ୍ରାଙ୍ଗସ ସବୁ କୁ ମନ୍ଦ ଉଦେଶ୍ୟ ରଖି ବନ୍ଦ କରିଥିବା ସ୍ଥାନୀୟ ଜନସାଧାରଣ ଅଭିଯୋଗ କରିଛନ୍ତି । ହେଲେ ବର୍ତ୍ତମାନ ପ୍ରଶ୍ନ ହେଉଛି ଅନେକ ବର୍ଷ ର ସାଙ୍ଘାତିକ ଅଭିଯୋଗ କୁ ହେଉଥିବା ତଦନ୍ତ ରେ ଲୋକଙ୍କୁ ନ୍ୟାୟ ଦେବାରେ ସହାୟକ ହେଇପାରିବ କି ନାହିଁ ଦେଖିବାକୁ ବାକି ରହିଲା ।
ରାୟଗଡା ରୁ ଗୌରୀ ପଟନାୟକ ଙ୍କ ରିପୋର୍ଟ
