ଟେମରୀ(ମ ନି ସ)୨୫/୦୧:- ଗୋଲାମୁଣ୍ଡା ବ୍ଲକ ଅନ୍ତର୍ଗତ କୁମ୍ଭାରିଠାରେ ଆଇଟିସି ମିଶନ ସୁନେହରାକଲ ପ୍ରକଳ୍ପ ଜରିଆରେ ସ୍ଵେଚ୍ଛାସବୀ ସଙ୍ଗଠନ ମାନବ ଅଧିକାର ସେବା ସମିତି ମାସପକ୍ଷରୁ ଏକ ମତ୍ସ୍ୟ ପାଳନ ତାଲିମ ଶିବିର ଅନୁଷ୍ଠିତ ହୋଇ ଯାଇଛି। ଏଥିରେ କୁମ୍ଭାରି ଓ ଟେମରୀ ଗ୍ରାମ ର ୫୦ ରୁ ଉର୍ଦ୍ଧ ମତ୍ସ୍ୟ ଚାଷୀ ମତ୍ସ୍ୟ ଚାଷ ବିଷୟରେ ତାଲିମ ଗ୍ରହଣ କରିଛନ୍ତି । ଏହି କାର୍ଯ୍ୟକ୍ରମରେ ଗୋଲାମୁଣ୍ଡା ଏଏଫ୍ଓ ମନୋରଞ୍ଜନ ମାଝୀ ବୈଜ୍ଞାନିକ ପଦ୍ଧତିରେ କିଭଳି କମ ଖର୍ଚ୍ଚରେ ଅଧିକ ମତ୍ସ୍ୟ ଉତ୍ପାଦନ ଓ ରୋଗ ନିରାକରଣ କରାଯାଇ ପାରିବ ସେ ବିଷୟରେ ପୁଙ୍ଖାନୁପୁଙ୍ଖ ଭାବରେ ବୁଝାଇଥିଲେ ଓ ମତ୍ସ୍ୟ ଚାଷର ବିଭିନ୍ନ ଯୋଜନା ବିଷୟରେ ଆଲୋକପାତ କରିଥିଲେ । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ଟେମରୀ ସରପଞ୍ଚଙ୍କ ପ୍ରତିନିଧି ବେଭାରି ସା ମୂଖ୍ୟ ଅତିଥି ଭାବରେ ଯୋଗଦେଇଥିବା ବେଳେ ମାସ ଅନୁଷ୍ଠାନର ଭୋଲାମଣୀ ବାଗ କାର୍ଯ୍ଯ ପରିଚାଳନା କରିଥିଲେ । ଗୋଷ୍ଠୀ ସଂଯୋଜକ ଉମା କାନ୍ତ କଟା, କିଶନ ମିତ୍ର ଲବଣୀ ଗୋପାଳ, ଗ୍ରାମ ୱାର୍ଡ ମେମ୍ବର ଲିପିକା ଗୋପାଳ, ନାଏବ ସରପଞ୍ଚ ଦୁଃଖୀରାମ ସା ପ୍ରମୁଖ ସହଯୋଗ କରିଥିଲେ ।
ଜଗଜ୍ଜୀବନ ସା ଙ୍କ ରିପୋର୍ଟ
