ନୂଆପଡା // ନୂଆପଡ଼ା ଜିଲ୍ଲା ବୋଡ଼େନ ବ୍ଲକ ଅନ୍ତର୍ଗତ ଲରକା ଗ୍ରାମର ପିତା ଲକ୍ଷ୍ମୀପ୍ରସାଦ ବେହେରା ଏବଂ ଆରତୀ ବେହେରାଙ୍କ ପୁତ୍ର ସଚିନ ବେହେରା ସେ ବୋଡ଼େନ ବ୍ଲକ ପାଇଁ ପ୍ରଥମ ଫିଯିଓଥାରାପିର କୃତିତ୍ୱ ଆଣିଛନ୍ତି । ସଚିନ କଳାହାଣ୍ଡି ଜିଲ୍ଲାର କେସିଙ୍ଗା ସରସ୍ୱତୀ ଶିଶୁ ବିଦ୍ୟା ମନ୍ଦିରରୁ ସ୍କୁଲ ଶିକ୍ଷା ସମାପ୍ତ କରି ଉଚ୍ଚଶିକ୍ଷା ହାସଲ କରିବା ପାଇଁ ଭୁବନେଶ୍ୱରସ୍ଥିତ ନବଜ୍ୟୋତି ଯୁକ୍ତଦୁଇ କଲେଜରେ ଅଧ୍ୟୟନ କରୁଥିଲେ । ପରେ ସେ ଭୁବନେଶ୍ୱରର ହାଇଟେକ ମେଡିକାଲ କଲେଜ ଆଣ୍ଡ ହସପିଟାଲରେ ଫିଜିଓଥେରାପିରେ ଅଧ୍ୟୟନ କରୁଥିଲେ l ସେ ଏହି ( ଫିଜିଓଥରାପି) ଭୌତିକ ଚିକିତ୍ସା ରେ ଏବେ ଡିଗ୍ରୀ ହାସଲ କରିଛନ୍ତି ଓ ଏହା ବୋଡ଼େନ ବ୍ଲକ ପାଇଁ ପ୍ରଥମ କୃତିତ୍ୱ l ସଚିନଙ୍କ କୃତିତ୍ୱ ଖବର ଶୁଣିବାପରେ ବୋଡ଼େନ ବ୍ଲକରେ ଖୁସିର ଲହରୀ ଖେଳିଯାଇଛି l ଆଗରୁ ମଧ୍ୟ ଭାରତର ନି-ଷ୍ଟ୍ରାଇକର୍(ଆଣ୍ଠୁ ପ୍ରଘାତକ) ଭାବରେ ସୁପରିଚିତ ସଚିନ ବେହେରା ତାଙ୍କ ନାମରେ ନି-ଷ୍ଟ୍ରାଇକରେ ତିନି ତିନି ଥର ଗିନିଜ ବୁକରେ ରେକର୍ଡ ସ୍ଥାପନ କରି ଓଡ଼ିଶା ପାଇଁ ଗର୍ବ ଆଣି ଦେଇଛନ୍ତି ।ସାମରିକ କାଳରେ ରୁଚି ରଖିଥିବା ସଚିନ ଜଣେ ୧୦୦ ମିଟର ଧାବକ l ସେ ପ୍ରତିଦିନ ଭୁନେଶ୍ବରସ୍ଥିତ କଳିଙ୍ଗ ଷ୍ଟାଡୟମରେ ଅଭ୍ୟାସ କରୁଛନ୍ତି l ସଚିନ୍ ନିଜ ପରିଶ୍ରମ ଓ ନିଷ୍ଟା ଦ୍ଵାରା ଅଲମ୍ପିକ୍ସରେ ୧୦୦ ମିଟର ରନ ଯୋଗ ଦେବାକୁ ଓ ଭବିଷ୍ୟତରେ ସେ ଅନେକ ବିଶ୍ଵ ରେକର୍ଡ ନିଜେ କରିବା ସହ ଯିଏ ରେକର୍ଡ କରିବାକୁ ଇଚ୍ଛୁକ ତାଙ୍କୁ ସହଯୋଗ କରିବେ ବୋଲି ଆଶା ବାନ୍ଧିଛନ୍ତି l ଫଳରେ ୨୨ ବର୍ଷୀୟ ସଚିନ ଯୁବ ପିଢୀ ପାଇଁ ଉଦାହରଣ ସାଜିଛନ୍ତି l
ନୂଆପଡା ରୁ ସୁଜିତ କୁମାର ପ୍ରଧାନ ଙ୍କ ରିପୋର୍ଟ
