ଡାବୁଗାଁ, ୨୯/୧ (ମ.ନି.ସ.)- ରବିବାର ସନ୍ଧ୍ୟାରେ ନବରଙ୍ଗପୁର ଜିଲା ଡାବୁଗାଁ ଥାନା ଅଧୀନ ଶିଂସାରି ହାଟ ରେ ଖୁଡୁଖୁଡି ଖେଳ ଉପରେ ପୋଲିସ ଚଢାଉ କରି ୪ ଜଣଙ୍କୁ ଗିରଫ କରିଛି | ସୂଚନାଯୋଗ୍ୟ:- ଡାବୁଗାଁ ଥାନା ର ଶିଂସାରି ସାପ୍ତାହିକ ହାଟରେ ଖୁଡୁଖୁଡି ଖେଳ ଚାଲିଥିବା ଖବର ପାଇ ଡାବୁଗାଁ ଥାନା ପୋଲିସ ଚଢାଉ କରିଥିଲା | ଏଥିରେ ସମ୍ପୃକ୍ତ କାରାଗାଁ ଗ୍ରାମର ସୁମନ୍ତ ମଣ୍ଡଳ (୩୫), ଭଦ୍ରଶାଳାପଦର ଗ୍ରାମର ଘେନୁ ବିଶୋୟି (୩୫) ଓ ସାଲିମଧର ହରିଜନ (୪୫) ଓ ଛତିଶଗଡ ରାଜ୍ୟର ବସ୍ତର ଜିଲା କରପାଉଣ୍ଡ ଥାନା ଅଧୀନ ସନ୍ଦ କରମରୀ ଗ୍ରାମର ଗଣେଶ ନାଗ (୩୧) ଙ୍କୁ ଗିରଫ କରିଛି | ଏହାସହ ଖୁଡୁଖୁଡି ଖେଳରେ ବ୍ୟବହୃତ ସାମଗ୍ରୀ ପାଲି -୧ଟି, ୬ଟି ଗୋଟି ଏବଂ ୩୬୬୦ ଟଙ୍କା ଜବତ କରାଯାଇଛି ବୋଲି ଆଇଆଇସି ସୁନୀଲ କୁମାର ପ୍ରଧାନ ସୂଚନା ଦେଇଛନ୍ତି | ଏହି ଚଢାଉରେ ଡାବୁଗାଁ ଥାନା ଏଏସଆଇ ଶିଶିର କାନ୍ତ ଘୋଷ ଓ ପୋଲିସ କର୍ମଚାରୀ ମାନେ ସାମିଲ ଥିଲେ |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
